الماتىدا كٶلٸكتٸ زاڭسىز تٸركەۋ سحەماسىن ۇيىمداستىرعاندار سوتتالىپ كەتتٸ, دەپ حابارلايدى Dalanews.kz.
ٷش جىل بويى بٸر توپ ادام الماتى قالاسىنداعى ارنايى حالىققا قىزمەت كٶرسەتۋ ورتالىعىنىڭ قىزمەتكەرلەرٸنٸڭ كٶمەگٸمەن كٶلٸكتەردٸ باستاپقى تٸركەۋ ٷشٸن بەلگٸلەنگەن الىمداردى تٶلەمەي, جالعان تٸركەۋ جٷرگٸزٸپ وتىرعان.
ۇيىمداستىرۋشىلار الىم تٶلەۋدەن جالتارعىسى كەلەتٸن كٶلٸك يەلەرٸن ٸزدەگەن دەلدالدار ارقىلى ەرەكەت ەتكەن. زاڭسىز ەرەكەتتەردٸ جاسىرۋ ماقساتىندا كٶلٸكتەر جالعان تۇلعالاردىڭ اتىنا رەسٸمدەلگەن.
ارنايى حالىققا قىزمەت كٶرسەتۋ ورتالىعىنىڭ قىزمەتكەرلەرٸ اقپاراتتىق جٷيەگە جالعان مەلٸمەتتەر ەنگٸزٸپ, كٶلٸك قۇرالدارىن زاڭسىز تٸركەگەن. نەتيجەسٸندە 132 كٶلٸك زاڭسىز تٸركەۋگە قويىلىپ, مەملەكەتكە 1,2 ملرد تەڭگەدەن اسا زالال كەلتٸرٸلگەن.
تەرگەۋ بارىسىندا 273 ملن تەڭگە كٶلەمٸندەگٸ قاراجات ەرٸكتٸ تٷردە ٶتەلگەن.
سوت ٷكٸمٸمەن ٷش كٸنەلٸ 3 جىلدان 4 جىل 6 ايعا دەيٸنگٸ مەرزٸمگە باس بوستاندىعىنان ايىرىلدى, سونداي-اق, قىلمىستىق جولمەن الىنعان 7 كٶلٸك تەركٸلەندٸ.
ٷكٸم زاڭدى كٷشٸنە ەندٸ.
