Almatyda kólikti zańsyz tirkeý shemasyn uiymdastyrǵandar sottalyp ketti, dep habarlaidy Dalanews.kz.
Úsh jyl boiy bir top adam Almaty qalasyndaǵy Arnaiy halyqqa qyzmet kórsetý ortalyǵynyń qyzmetkerleriniń kómegimen kólikterdi bastapqy tirkeý úshin belgilengen alymdardy tólemei, jalǵan tirkeý júrgizip otyrǵan.
Uiymdastyrýshylar alym tóleýden jaltarǵysy keletin kólik ielerin izdegen deldaldar arqyly áreket etken. Zańsyz áreketterdi jasyrý maqsatynda kólikter jalǵan tulǵalardyń atyna rásimdelgen.
Arnaiy halyqqa qyzmet kórsetý ortalyǵynyń qyzmetkerleri aqparattyq júiege jalǵan málimetter engizip, kólik quraldaryn zańsyz tirkegen. Nátijesinde 132 kólik zańsyz tirkeýge qoiylyp, memleketke 1,2 mlrd teńgeden asa zalal keltirilgen.
Tergeý barysynda 273 mln teńge kólemindegi qarajat erikti túrde ótelgen.
Sot úkimimen úsh kináli 3 jyldan 4 jyl 6 aiǵa deiingi merzimge bas bostandyǵynan aiyryldy, sondai-aq, qylmystyq jolmen alynǵan 7 kólik tárkilendi.
Úkim zańdy kúshine endi.
