الماتىدا «تازا قازاقستان» رەسپۋبليكالىق باعدارلاماسى جانە «الماتى – ءبىزدىڭ ورتاق ءۇيىمىز» قالالىق ناۋقانى اياسىندا «جاسىل اۋلا» اكسياسىنا قاتىسۋ ءۇشىن قالا تۇرعىندارىنان وتىنىمدەر قابىلداۋ باستالدى، دەپ حابارلايدى Dalanews.kz
جىل سايىنعى اكسيا اياسىندا قالا تۇرعىندارى كوپقاباتتى ۇيلەردىڭ اۋلالارى مەن قوعامدىق كەڭىستىكتەردى كوگالداندىرۋ ءۇشىن جاپىراقتى اعاشتاردىڭ كوشەتتەرىن تەگىن الا الادى.
اكسيانىڭ نەگىزگى ماقساتى - جاسىل قوردى كوگالداندىرۋ جانە ساقتاۋ باعدارلاماسىن جالعاستىرۋ، سونداي-اق تۇرعىندار اراسىندا ەكولوگيالىق مادەنيەتتى قالىپتاستىرۋ.
اكسيانىڭ كوكتەمگى كەزەڭىنە قاتىسۋ ءۇشىن وتىنىمدەردى قابىلداۋ 2025 جىلعى 1-11 ءساۋىر ارالىعىندا جالعاسادى.
قاتىسۋ ءۇشىن zhasyl_aula_2025@mail.ru ەلەكتروندىق مەكەنجايعا مىنا دەرەكتەرتەردى جىبەرۋ قاجەت:
- باستاماشىل تۇلعانىڭ ءاتى-جونى جانە بايلانىس دەرەكتەرى، كوشەت وتىرعىزىلاتىن ناقتى مەكەنجاي؛
- جوسپارلانعان وتىرعىزۋ الاڭىنىڭ بىرنەشە فوتوسۋرەتى (ماماندار ورنالاسقان جەردى باعالاي الاتىنداي پانورامالىق فوتوسۋرەت)؛
- كوشەتتەردىڭ قاجەتتى سانىن كورسەتىڭىز.
اكسياعا قاتىساتىن قالا تۇرعىندارى بولاشاقتا كوشەت وتىرعىزۋ تۋرالى فوتورەپورتاج ۇسىنۋى قاجەت.
اكسيا بويىنشا قوسىمشا اقپارات الۋ ءۇشىن الماتى قالاسى ەكولوگيا جانە قورشاعان ورتانى باسقارۋ باسقارماسىنىڭ جاسىل قور مونيتورينگى جانە باسقارۋ بولىمىنە مىنا تەلەفون ارقىلى حابارلاسۋعا بولادى: +7 771 894 34 57.
«جاسىل اۋلا» اكسياسى — الماتىنىڭ بارلىق تۇرعىندارى ءۇشىن قالانى كوگالداندىرۋعا ءوز ۇلەسىن قوسىپ، ونى ودان دا جاسىل ءارى جايلى ەتۋگە بىرەگەي مۇمكىندىك.
