2025-27 جىلدارعا ارنالعان بيۋدجەتتٸڭ تيٸستٸ جوباسىن الماتى مەسليحاتىنىڭ الداعى سەسسيياسىندا قاراۋ جوسپارلانۋدا. بۇل تۋرالى قالالىق مەسليحاتتىڭ باسپاسٶز قىزمەتٸ حابارلادى. قالا ٷشٸن نەگٸزگٸ باعىتتاردىڭ بٸرٸ كٶلٸك ينفراقۇرىلىمىن دامىتۋ بولىپ قالا بەرەدٸ, دەپ حابارلايدى Dalanews.kz.
مەسەلەن, بيۋدجەتتە الدىن الا اقپارات بويىنشا 300 كم جولعا ورتاشا جٶندەۋ جٷرگٸزۋگە, 30 كم تروتۋارلارعا, ايالداما قالتالارى مەن الاڭدارىنا, سونداي-اق باسقا دا كٶلٸك قۇرىلىستارىنا 35,8 ملرد تەڭگە بٶلۋ جوسپارلانۋدا.
ەكولوگييالىق جاعدايدى جاقسارتۋ ماقساتىندا قالالىق قوعامدىق كٶلٸكتٸ جاڭارتۋ بويىنشا جۇمىستار جالعاساتىن بولادى. 2025 جىلعا ارنالعان بيۋدجەت جوباسىندا گازبەن جٷرەتٸن 600 اۆتوبۋس پەن 200 ەلەكترواۆتوبۋس ساتىپ الۋ جوسپارلانعان.
الماتى ەكٸمٸ ەربولات دوساەۆتىڭ تاپسىرماسى اياسىندا قالاعا قوسىلعان اۋماقتارداعى جاس قانات, شۇعىلا, ەلمەرەك, اقجار, راحات, مەدەنيەت, بورالداي ش/ا جول قۇرىلىسى جالعاسادى. جاڭا جولداردى سالۋ قالاعا قوىسلاعان اۋماقتارداعى 70 مىڭنان استام تۇرعىندى قامتي وتىرىپ, كٶلٸك قىزمەت كٶرسەتۋدٸ ەدەۋٸر جاقسارتۋعا مٷمكٸندٸك بەرەدٸ.
2025 جىلى سەيفۋللين داڭعىلى - جانسٷگٸروۆ كٶشەسٸنٸڭ قيىلىسىندا جەنە رىسقۇلوۆ داڭعىلىنان اقىن ساراكٶشەسٸنە دەيٸن, اباي داڭعىلىنان قالا شەكاراسىنا دەيٸنگٸ جول ايرىقتارىنىڭ قۇرىلىسىن اياقتاۋ جوسپارلانعان.
