2025-27 jyldarǵa arnalǵan biýdjettiń tiisti jobasyn Almaty Máslihatynyń aldaǵy sessiiasynda qaraý josparlanýda. Bul týraly qalalyq Máslihattyń baspasóz qyzmeti habarlady. Qala úshin negizgi baǵyttardyń biri kólik infraqurylymyn damytý bolyp qala beredi, dep habarlaidy Dalanews.kz.
Máselen, biýdjette aldyn ala aqparat boiynsha 300 km jolǵa ortasha jóndeý júrgizýge, 30 km trotýarlarǵa, aialdama qaltalary men alańdaryna, sondai-aq basqa da kólik qurylystaryna 35,8 mlrd teńge bólý josparlanýda.
Ekologiialyq jaǵdaidy jaqsartý maqsatynda qalalyq qoǵamdyq kólikti jańartý boiynsha jumystar jalǵasatyn bolady. 2025 jylǵa arnalǵan biýdjet jobasynda gazben júretin 600 avtobýs pen 200 elektroavtobýs satyp alý josparlanǵan.
Almaty ákimi Erbolat Dosaevtyń tapsyrmasy aiasynda qalaǵa qosylǵan aýmaqtardaǵy Jas Qanat, Shuǵyla, Álmerek, Aqjar, Rahat, Mádeniet, Boraldai sh/a jol qurylysy jalǵasady. Jańa joldardy salý qalaǵa qoyslaǵan aýmaqtardaǵy 70 myńnan astam turǵyndy qamti otyryp, kólik qyzmet kórsetýdi edáýir jaqsartýǵa múmkindik beredi.
2025 jyly Seifýllin dańǵyly - Jansúgirov kóshesiniń qiylysynda jáne Rysqulov dańǵylynan Aqyn Sarakóshesine deiin, Abai dańǵylynan qala shekarasyna deiingi jol airyqtarynyń qurylysyn aiaqtaý josparlanǵan.
