بۇگىن رەسپۋبليكا سارايىنىڭ الدىندا قازاقستان پرەزيدەنتى نۇرسۇلتان نازاربايەۆتىڭ العاشقى يناۋگۋراسياسى وتكەن جەردە ەسكەرتكىش تاقتا سالتاناتتى تۇردە اشىلدى. سالتاناتتى شاراعا قاتىسقان الماتى اكىمى باۋىرجان بايبەك سونىمەن قاتار جەتى كوشەنىڭ اتاۋى وزگەرگەندىگىن مالىمدەدى.

اكىم سويلەگەن سوزىندە قالانىڭ جەتى كوشەسىنىڭ اتاۋى وزگەرگەندىگىن مالىمدەدى. ايتا وتسەك، اتاۋى وزگەرتىلەتىن كوشەلەر: مەدەۋ اۋدانىنداعى جامبىل جابايەۆ كوشەسى – روزا باعلانوۆا كوشەسى بولادى، الاتاۋ اۋدانى اباي كوشەسى – ازەربايجان مامبەتوۆ كوشەسى، ناۋرىزباي اۋدانى م. اۋەزوۆ كوشەسى – بايكەن ءاشىموۆ كوشەسى، 8-جەلى كوشەسى – ەربول سىپاتايەۆ كوشەسى، بوستاندىق اۋدانىنداعى اتى جوق كوشەگە توقمۇحامەد سادىقوۆتىڭ ەسىمى بەرىلسە، المالى اۋدانى ميرزويان كوشەسىنىڭ اتاۋى شافيك چوكين كوشەسى بولىپ وزگەرتىلەدى.