الماتى قالاسى قالالىق جوسپارلاۋ جانە ۋربانيستيكا باسقارماسى وكىلدەرى جەر سىلكىنىسىنەن كەيىن قالاداعى عيماراتتار قانداي جاعدايدا ەكەنىن ايتتى، - دەپ حابارلايدى Dalanews.kz.

"جەر سىلكىنىسى سالدارىنان عيماراتتاردا زاقىم بايقالادى. بۇل نەگىزىنەن توبە، سىلاق، كافەل جانە قاسبەتتى ارلەۋ سياقتى ارلەۋ ماتەريالدارىنىڭ ەلەمەنتتەرىنە قاتىستى.

بۇل زاقىمدانۋلار تىرەك كونسترۋكسيالارىنىڭ بۇزىلۋىنا جاتپايدى، ويتكەنى ارلەۋ ماتەريالدارىنىڭ تۇراقتىلىعى بەكىتۋ ساپاسى مەن ماتەريالدىڭ ءوزى سياقتى ءبىرقاتار فاكتىگە بايلانىستى.

قازىرگى تاڭدا اۋدان اكىمدىكتەرى جانىنان كەشەندى تەكسەرىس جۇرگىزۋ ءۇشىن ۋاكىلەتتى ورگانداردىڭ قۇرامىمەن جۇمىس توپتارى قۇرىلدى"، - دەپ جازىلعان ۆەدومستۆو حابارلاماسىندا.

جەر سىلكىنىسى سالدارىنان زاقىمدانۋ انىقتالسا، نىسانداردىڭ ءتىزىمى سەيسميكالىق تۇراقتىلىققا تەكسەرىس جۇرگىزۋ ءۇشىن الماتى قالاسىنىڭ ۋربانيستيكا جانە قالا قۇرىلىسى باسقارماسىنا جىبەرىلەدى.

ايتا كەتەيىك، ق ر تجم "ننسسن ي ي" ج ش س سەيسميكالىق ستانسيالار جەلىسىمەن 4 ناۋرىزدا الماتى ۋاقىتىمەن 11.22-دە (2024 جىلعى 04 ناۋرىزدا گرينۆيچ بويىنشا 06 ساعات 22 مين 06 سەك) جەر سىلكىنىسى تىركەلدى.

"جەر سىلكىنىسىنىڭ ەپيسەنترى قازاقستان اۋماعىندا الماتى قالاسىنان وڭتۇستىككە قاراي 31 شاقىرىم جەردە ورنالاسقان"، - دەپ جازىلعان تجد مالىمەتىندە.

جەر سىلكىنىسىنىڭ ەنەرگەتيكالىق كلاسى - 13.2. MPV ماگنيتۋداسى - 6.1. ەپيسەنتردىڭ كوورديناتتارى 42.93° س. ە. 76.96° ش. ب. تەرەڭدىگى - 10 شاقىرىم. الماتى قالاسىندا 5 بالل بولىپ سەزىلدى.