Almaty qalasy Qalalyq josparlaý jáne ýrbanistika basqarmasy ókilderi jer silkinisinen keiin qaladaǵy ǵimarattar qandai jaǵdaida ekenin aitty, - dep habarlaidy Dalanews.kz.
"Jer silkinisi saldarynan ǵimarattarda zaqym baiqalady. Bul negizinen tóbe, sylaq, kafel jáne qasbetti árleý siiaqty árleý materialdarynyń elementterine qatysty.
Bul zaqymdanýlar tirek konstrýktsiialarynyń buzylýyna jatpaidy, óitkeni árleý materialdarynyń turaqtylyǵy bekitý sapasy men materialdyń ózi siiaqty birqatar faktige bailanysty.
Qazirgi tańda aýdan ákimdikteri janynan keshendi tekseris júrgizý úshin ýákiletti organdardyń quramymen jumys toptary quryldy", - dep jazylǵan vedomstvo habarlamasynda.
Jer silkinisi saldarynan zaqymdaný anyqtalsa, nysandardyń tizimi seismikalyq turaqtylyqqa tekseris júrgizý úshin Almaty qalasynyń ýrbanistika jáne qala qurylysy basqarmasyna jiberiledi.
Aita keteiik, QR TJM "NNTsSN i I" JShS seismikalyq stantsiialar jelisimen 4 naýryzda Almaty ýaqytymen 11.22-de (2024 jylǵy 04 Naýryzda Grinvich boiynsha 06 saǵat 22 min 06 sek) jer silkinisi tirkeldi.
"Jer silkinisiniń epitsentri Qazaqstan aýmaǵynda Almaty qalasynan ońtústikke qarai 31 shaqyrym jerde ornalasqan", - dep jazylǵan TJD málimetinde.
Jer silkinisiniń energetikalyq klasy - 13.2. MPV magnitýdasy - 6.1. Epitsentrdiń koordinattary 42.93° S. E. 76.96° sh. b. Tereńdigi - 10 shaqyrym. Almaty qalasynda 5 ball bolyp sezildi.
