كەزدەسۋ بارىسىندا بالالاردى تەگىن سپورت سەكسيالارىمەن قامتاماسىز ەتۋ ءۇشىن جان باسىنا شاققانداعى قارجىلاندىرۋدى جۇزەگە اسىرۋ تالاپتارى مەن قۇرالدارى تالقىلاندى.
مەملەكەت باسشىسىنىڭ جولداۋىن ىسكە اسىرۋ اياسىندا ق ر مادەنيەت جانە سپورت مينيسترلىگى سپورت سەكسيالارىن قولجەتىمدى جەردە قامتاماسىز ەتۋ ماقساتىندا مەملەكەتتىك سپورتتىق تاپسىرىستى جان باسىنا نورماتيۆتىك قارجىلاندىرۋدى ەنگىزۋ بويىنشا جۇمىس جۇرگىزدى.
باسشىنىڭ مالىمەتىنشە، اعىمداعى جىلدىڭ قىركۇيەگىنەن باستاپ الماتىدا جان باسىنا شاققانداعى قارجىلاندىرۋ سوماسى كوبەيىپ، 1،5 ملرد. تەڭگەنى قۇرايدى (بالالاردىڭ جالپى قامتىلۋى جىل سوڭىنا قاراي 40 مىڭعا جۋىق بالانى نەمەسە جالپى ساننىڭ 10% - ىن قۇرايدى).
الماتىدا بۇگىنگى كۇنى جەتكىزۋشىلەردەن 797 ءوتىنىم كەلىپ ءتۇسىپ، 222 ءوتىنىم ماقۇلداندى، 24 مىڭ 000 ءوتىنىش بەرۋشىگە ۆاۋچەرلەر بەرىلدى، ال سپورتتىڭ 26 ءتۇرى بويىنشا 18 مىڭ 630 بالا ساباققا كىرىستى.
ەڭ كوپ سۇرانىسقا يە سەكسيالار - فۋتبول، تاەكۆوندو، كاراتە، سۋدا ءجۇزۋ، دزيۋدو. تانىمال رەسپۋبليكالىق ەلەكتروندى پلاتفورما ARTSPORT.EDU.KZ 1 مامىردان باستاپ جۇمىس ىستەيدى. وڭىرلەر بولىنىسىندە الماتى بولىنگەن قاراجات بويىنشا ءبىرىنشى ورىندى يەلەنگەن.
