19 ناۋرىزدان باستاپ «سۇڭقار» تك اۋماعى قورشالادى، پەريمەترى بويىنشا 4 باقىلاۋ-وتكىزۋ پۋنكتى ورناتىلادى. تۇرعىن ءۇي كەشەنىنەن تۇرعىنداردىڭ ەشقايسى كەتە المايدى، سونداي-اق قوناقتاردى قابىلداي المايدى. كەشەن تۇرعىندارى ءوز تۇرعىن ۇيىنەن كەتپەۋى كەرەك، جەراستى پاركينگىنە تۇسۋگە تىيىم سالىنادى.
– ءبىزدىڭ كەشەننىڭ تۇرعىندارى ءۇشىن ءبىر ازىق-تۇلىك دۇكەنى جۇمىس ىستەيدى. سونداي-اق، جەتكىزۋ ورتالىقتارىنان تاۋارلار مەن ونىمدەرگە تاپسىرىس بەرۋ كەزىندە جەتكىزىلگەن تاپسىرىستاردى ءتورت ءبوپ-تىڭ بىرىندە الۋعا بولادى، بۇل تۋرالى حابارلاناتىن بولادى، – دەلىنگەن الەۋمەتتىك جەلىلەردە جاريالانعان حابارلامادا.
كەشەننىڭ جۇمىس ىستەيتىن بارلىق تۇرعىنىن جۇمىس بەرۋشىلەرىنەن قالىپتاسقان جاعداي تۋرالى ەسكەرتۋ سۇرالعان. كارانتين 15 كۇنتىزبەلىك كۇنگە سوزىلادى جانە قاجەت بولعان جاعدايدا ۇزارتىلادى ەكەن، بۇل تۋرالى الدىن الا حابارلانادى.
– پيك، سەس جانە اكىمدىك قىزمەتكەرلەرى پاتەرلەردە ءتۇسىندىرۋ جۇمىستارىن جۇرگىزەدى. كارانتين رەجيمىن بۇزعانى ءۇشىن ءتارتىپ بۇزۋشىلار قولدانىستاعى زاڭناماعا سايكەس اكىمشىلىك جانە قىلمىستىق جاۋاپكەرشىلىككە تارتىلادى، – دەپ ەسكەرتتى كەشەن اكىمشىلىگى.
ءوز كەزەگىندە اكىمدىك وكىلدەرى «سۇڭقار» تك اۋماعىندا قاۋىپسىزدىك شارالارى دسۇ ستاندارتتارىنا سايكەس قابىلدانعانىن حابارلادى. دەگەنمەن جەرگىلىكتى تۇرعىندار اراسىندا تارالۋ ءقاۋپى بار.
– جۇقتىرعان ادام بوكسقا ورنالاستىرىلعان. ءبىرىنشى جەلىنىڭ بارلىق بايلانىسى وقشاۋلاندى. ەندى كارانتين ايماعى ارقىلى جۇقتىرۋ تىزبەگىن توقتاتۋ كەرەك، – دەپ ءتۇسىندىردى اكىمدىكتەگىلەر.
سونىمەن قاتار، اكىمنىڭ ورىنباسارى ەرجان باباقۇماروۆتىڭ حابارىنا قاراعاندا، الماتىدا جۇقتىرۋ وشاقتارى انىقتالدى. وندا دەزينفەكسيا جۇرگىزىلەدى.
– قالادا كوروناۆيرۋستى جۇقتىرۋ وشاقتارى بار. باستى مىندەت - جۇقتىرۋ تىزبەگىن ءۇزۋ، كارانتين رەجيمىن ساقتاۋ، قالادا ۆيرۋستىڭ تارالۋىنا جول بەرمەۋ جانە ونى باسقا وڭىرلەرگە ەكسپورتتاۋعا جول بەرمەۋ، – دەدى ەرجان باباقۇماروۆ.
جۇقتىرۋ وشاقتارىن وقشاۋلاۋ قۇقىق قورعاۋ ورگاندارىنىڭ، سانيتارلىق-ەپيدەميولوگيالىق قىزمەتتىڭ، مەديسينالىق ۇيىمداردىڭ، اۋدان اكىمدىكتەرىنىڭ جانە پيك-تىڭ كۇشىمەن بىرلەسىپ جۇرگىزۋ جوسپارلانعان. كارانتين كەزەڭىندە وشاقتىڭ تۇرعىندارىنا ءوزىن-وزى وقشاۋلاۋ قاجەت بولادى. جۇقتىرۋ وشاعىنىڭ ايماقتارىندا باقىلاۋ-وتكىزۋ پۋنكتەرى ورناتىلادى. كارانتين ايماعىنىڭ ىشىندە قوزعالىستى شەكتەۋ كوزدەلەدى.
وشاقتىڭ ايماعىندا دۇكەندەر مەن ءدارىحانالاردىڭ جۇمىسى، ولارعا قىزمەت كورسەتۋ بويىنشا الەۋمەتتىك قىزمەتكەرلەرگە بەكىتىلگەن كارانتيندەلگەن پاتەرلەر/ۇيلەرگە قىزمەت كورسەتۋ، قاجەتتىلىگىنە قاراي مەديسينالىق جانە اۆاريالىق قىزمەتتەردى قوسۋ قامتاماسىز ەتىلەدى. سونداي-اق، اۋداندىق اكىمدىكتەر حالىقتىڭ الەۋمەتتىك وسال توپتارىنا كىرەتىن تۇلعالارعا كومەك كورسەتەدى.
ەسكە سالايىق، نۇر-سۇلتان مەن الماتى كارانتينگە جابىلدى. سوڭعى مالىمەت بويىنشا، قازاقستاندا كوروناۆيرۋس جۇقتىرعاندار سانى 36 ادامعا جەتتى. 18 ناۋقاس الماتىدا، قالعان 18ء-سى نۇر-سۇلتاندا.
