بٷگٸن الماتى قالاسىندا كٶرنەكتٸ وپەرا ەنشٸسٸ, اكتەر, پەداگوگ ەرمەك سەركەباەۆقا ارنالعان ەسكەرتكٸشتٸڭ سالتاناتتى اشىلۋ رەسٸمٸ ٶتتٸ, – دەپ حابارلايدى Dalanews.kz قر مەدەنيەت جەنە اقپارات مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
اشىلۋ سالتاناتىنا مەدەنيەت جەنە اقپارات مينيسترٸ ايدا بالاەۆا, الماتى قالاسىنىڭ ەكٸمٸ ەربولات دوساەۆ, ەنشٸنٸڭ اعاسى مۇرات سەركەباەۆ پەن ۇلى بايعالي سەركەباەۆ, سونداي-اق شىعارماشىلىق زييالى قاۋىم ٶكٸلدەرٸ, قالا تۇرعىندارى مەن قوناقتارى قاتىستى.
ەسكەرتكٸش ابىلاي حان داڭعىلىنىڭ بويىندا, قۇرمانعازى اتىنداعى قازاق مەملەكەتتٸك اكادەمييالىق حالىق اسپاپتارى وركەسترٸ عيماراتىنىڭ الدىندا ورناتىلعان.
مينيستر ايدا بالاەۆا ەسكەرتكٸشتٸڭ اشىلۋى ەلٸنٸڭ ۇلى پەرزەنتٸنە دەگەن قۇرمەتٸ ەكەنٸن اتاپ ٶتٸپ, ەرمەك سەركەباەۆتىڭ باي رۋحاني مۇراسى ۇلت جادىندا مەڭگٸ ساقتالاتىنىنا سەنٸم بٸلدٸردٸ.
– ەرمەك سەركەباەۆ – سيرەك كەزدەسەتٸن تالانت يەسٸ, كەسٸبي شەبەرلٸگٸ جوعارى مۋزىكانت. ول ميلليونداعان ٶنەرسٷيەر كٶرەرمەننٸڭ شىنايى ماحابباتىنا بٶلەندٸ. بٷگٸنگٸ قازاق وپەراسىن ەرمەك سەركەباەۆسىز ەلەستەتۋ قيىن. ونىڭ عيبراتتى عۇمىرى – مەدەنيەتٸمٸزدٸڭ تاريحىنداعى تۇتاس بٸر تاراۋ. كٶپشٸلٸك بٸلمەۋٸ مٷمكٸن, بٸراق ول قوعامدىق-ساياسي ٶمٸردە دە بەلسەندٸلٸك تانىتىپ, تەۋەلسٸزدٸگٸمٸزدٸڭ قالىپتاسۋى مەن نىعايۋىنا زور ٷلەس قوستى. سونىمەن قاتار, ەرمەك بەكمۇحامەدۇلى دارىندى مۋزىكانتتار ەۋلەتٸنٸڭ نەگٸزٸن قالادى. بالالارى مەن نەمەرەلەرٸ ونىڭ ٸسٸن لايىقتى جالعاستىرىپ, قازاق ٶنەرٸن ەلەمنٸڭ ەر تٷكپٸرٸندە دەرٸپتەۋدە, – دەدٸ مەدەنيەت جەنە اقپارات مينيسترٸ.
ۆەدومستۆو باسشىسى ەرمەك سەركەباەۆتىڭ بەينەسٸن قولادان سومداعان مٷسٸنشٸلەر – ايدوس بٷركٸتباەۆقا, تيمۋر ەرمۇحامەتوۆكە, اقىلبەك ورمانبەكوۆكە جەنە قۋانىش اسىلبايعا ەرەكشە العىس بٸلدٸردٸ.
