استانادا «ەدٸلەت» ساياسي پارتيياسىنىڭ قۇرىلتاي سەزٸ ٶتتٸ, دەپ حابارلايدى dalanews.kz.
جيىنعا ەلٸمٸزدٸڭ بارلىق ٶڭٸرٸنەن مىڭعا جۋىق دەلەگات پەن پارتييا جاقتاستارى جينالدى. قۇرىلتاي بارىسىندا جاڭا ساياسي بٸرلەستٸكتٸ قۇرۋ, ونىڭ رەسمي اتاۋىن بەكٸتۋ, جارعىسى مەن باعدارلاماسىن قابىلداۋ, سونداي-اق باسشىلىق جەنە باقىلاۋ ورگاندارىن سايلاۋ مەسەلەلەرٸ قارالدى.
جاڭا پارتييا قۇرۋ تۋرالى شەشٸم قابىلداندى
سەز بارىسىندا دەلەگاتتار «ەدٸلەت» پارتيياسىن قۇرۋ تۋرالى شەشٸمدٸ قولدادى. تيٸستٸ شەشٸمگە سەزگە قاتىسقان 931 دەلەگات داۋىس بەردٸ. سونىمەن قاتار پارتييانىڭ قازاق, ورىس جەنە اعىلشىن تٸلدەرٸندەگٸ رەسمي اتاۋى بەكٸتٸلدٸ. بارلىق رەسٸمدەر «ساياسي پارتييالار تۋرالى» قازاقستان رەسپۋبليكاسىنىڭ زاڭى تالاپتارىنا سەيكەس ٶتتٸ.
قۇرىلتايدا پارتييانىڭ نەگٸزگٸ قۇجاتتارى – جارعىسى مەن باعدارلاماسى قابىلداندى. جيىننىڭ رەسمي بٶلٸگٸ باستالماس بۇرىن قوناقتارعا ارناپ شاعىن كونتسەرتتٸك باعدارلاما ۇيىمداستىرىلىپ, كەيٸن دەلەگاتتار جاڭا ساياسي ۇيىمنىڭ الداعى باعىتتارىن تالقىلادى.
پارتييا باسشىسى بولىپ ايبەك دەدەباي سايلاندى
سەز دەلەگاتتارىنىڭ شەشٸمٸمەن پارتييا تٶراعاسى قىزمەتٸنە دەدەباي ايبەك ارقابايۇلى سايلاندى. بۇعان دەيٸن قۇرىلتاي بارىسىندا جاڭا ساياسي بٸرلەستٸكتٸڭ ساياسي كەڭەسٸنٸڭ قۇرامى تانىستىرىلعان بولاتىن. تٸزٸمگە 30 ادام ەندٸ.
سەز بارىسىندا قاتىسۋشىلار ايبەك دەدەبايدى پارتييا تٶراعالىعىنا ۇسىنۋ تۋرالى ۇسىنىستى قولدادى. ٶز كەزەگٸندە دەدەباي دەلەگاتتارعا سەنٸم بٸلدٸرگەنٸ ٷشٸن العىس ايتىپ, بۇل شەشٸمدٸ ٷلكەن جاۋاپكەرشٸلٸك دەپ قابىلدايتىنىن جەتكٸزدٸ.
«بٸزدٸڭ نيەتتەستەرٸمٸز – دەل وسىنداي ازاماتتار. ولار – بەلسەندٸ, جاۋاپكەرشٸلٸگٸ جوعارى, ەل دامۋىنا ٷلەس قوساتىن جاندار. بٸز بٸرگە ەڭبەك ەتەمٸز, جۇمىستى اشىق, ادال ەرٸ قوعام الدىندا ەسەپ بەرە وتىرىپ جٷرگٸزەمٸز. جٷيەلٸ, جاۋاپتى جەنە دەيەكتٸ جۇمىس جٷرگٸزۋگە ۋەدە بەرەمٸز», – دەپ اتاپ ٶتتٸ ايبەك دەدەباي.
جارعى – پارتييانىڭ جۇمىس تەرتٸبٸن ايقىندايتىن نەگٸزگٸ قۇجات
قۇرىلتايدا پارتييا جارعىسىنىڭ نەگٸزگٸ قاعيداتتارى دا تانىستىرىلدى. ساياساتتانۋشى بٶرٸحان نۇرمۇحامەدوۆتٸڭ ايتۋىنشا, بۇل قۇجات جاي عانا ٸشكٸ ەرەجە ەمەس, پارتييانىڭ بولاشاقتاعى جۇمىس باعىتىن ايقىندايتىن ماڭىزدى نەگٸز.
«بۇل – ٷلكەن جاۋاپكەرشٸلٸك سەتٸ. بٸزدٸڭ پارتييانىڭ ەرتەڭ قانداي بولاتىنى دەل وسى كەزەڭگە بايلانىستى. ۇسىنىلعان قۇجات – اۋقىمدى, تەرەڭ ەرٸ مۇقييات جٷرگٸزٸلگەن جۇمىستىڭ نەتيجەسٸ. ول قازاقستان رەسپۋبليكاسىنىڭ كونستيتۋتسيياسى مەن قولدانىستاعى زاڭناماسىنا تولىق سەيكەس كەلەدٸ. بٸراق ونىڭ ماڭىزى بۇدان دا كەڭ. بۇل – پارتييانىڭ ساياسي جٷيەنٸڭ تولىققاندى قاتىسۋشىسىنا اينالۋىنا, ازاماتتاردىڭ مٷددەسٸن قورعاۋىنا جەنە مەملەكەتتٸك ساياساتتىڭ قالىپتاسۋىنا ىقپال ەتۋٸنە مٷمكٸندٸك بەرەتٸن جۇمىس قۇرالى», – دەدٸ ول.
ونىڭ سٶزٸنشە, جارعىنىڭ نەگٸزٸندە اشىقتىق, جاۋاپكەرشٸلٸك جەنە ازاماتتاردىڭ قاتىسۋى قاعيداتتارى جاتىر. پارتييا سەزٸ ۇيىمنىڭ ەڭ جوعارى ورگانى رەتٸندە بەلگٸلەنٸپ, ساياسي كەڭەس پەن بيۋرو ٷزدٸكسٸز جۇمىستى قامتاماسىز ەتەتٸن قۇرىلىمدار رەتٸندە قاراستىرىلدى.
ادامي كاپيتال مەن ەدٸلەت قاعيداتى: باعدارلامادا نە ايتىلدى?
قۇرىلتاي سەزٸندە «ەدٸلەت» پارتيياسىنىڭ رەسمي باعدارلاماسى دا بەكٸتٸلدٸ. قۇجاتتا ادامي كاپيتالدى دامىتۋ, زاڭ ٷستەمدٸگٸن كٷشەيتۋ, ٶڭٸرلەردٸڭ تەڭگەرٸمدٸ دامۋى جەنە ەدٸلەتتٸ قوعام قۇرۋ مەسەلەلەرٸ نەگٸزگٸ باسىمدىق رەتٸندە ايقىندالعان.
پارتييا ۇستانىمىندا ەدٸلدٸك, وتانشىلدىق, جاۋاپكەرشٸلٸك, ەڭبەكقورلىق پەن دامۋ باستى قۇندىلىق رەتٸندە كٶرسەتٸلگەن. باعدارلامادا دەنساۋلىق ساقتاۋ, بٸلٸم بەرۋ, عىلىم, مەدەنيەت جەنە كرەاتيۆتٸ يندۋسترييالاردى دامىتۋ ارقىلى قوعام ساپاسىن ارتتىرۋعا ەرەكشە مەن بەرٸلگەن.
ساياساتتانۋشى مارات شيبۇتوۆ قۇرىلتاي بارىسىندا پارتييانىڭ باعدارلامالىق ۇستانىمدارىنا توقتالىپ, ۇيىم ٶز جۇمىسىن ەدٸلدٸك, جاۋاپكەرشٸلٸك, ناقتى ەرەكەت پەن ينستيتۋتسيونالدىق قاعيداتتارعا نەگٸزدەيتٸنٸن ايتتى. ونىڭ سٶزٸنشە, «ەدٸلەت» پارتيياسى ەدٸلدٸك يدەولوگيياسىنا جەنە جاڭا كونستيتۋتسييا قۇندىلىقتارىنا سٷيەنەدٸ.
«ەڭ الدىمەن, باعدارلامامىزدىڭ ەرەكشەلٸگٸنە توقتالعان جٶن. «ەدٸلەت» پارتيياسى ٶزٸنٸڭ ەدٸلدٸك يدەولوگيياسىنا جەنە جاڭا كونستيتۋتسييا قۇندىلىقتارىنا سٷيەنەتٸنٸن ايرىقشا اتاپ ٶتەدٸ. وسى ارقىلى ناقتى مٸندەتتەمەلەردٸ ٶز موينىنا الادى. بۇل دەگەنٸمٸز – باعدارلاما بولاشاقتىڭ نەگٸزٸنە اينالۋى تيٸس قاعيداتتارعا قۇرىلىپ وتىر دەگەن سٶز. پارتييانىڭ نەگٸزگٸ تٸرەكتەرٸ رەتٸندە ەدٸلدٸك, وتانشىلدىق, ەڭبەكقورلىق, جاۋاپكەرشٸلٸك پەن پروگرەسس ايقىندالعان», - دەپ اتاپ ٶتتٸ ساياساتتانۋشى.
پارتييانىڭ ساياسي باعىتى
پارتييا تٶراعاسى ايبەك دەدەباي سەزدە مەلٸمدەمە جاساپ, جاڭا ساياسي بٸرلەستٸكتٸڭ يدەولوگييالىق نەگٸزدەرٸ مەن باستى باعىتتارىن تانىستىردى. ونىڭ ايتۋىنشا, پارتييا قىزمەتٸ زاڭدىلىق, تەرتٸپ جەنە قوعامدىق جاۋاپكەرشٸلٸك قاعيداتتارىنا سٷيەنەدٸ.
«بٸزدٸڭ پارتييامىزدىڭ نەگٸزٸ زاڭ ٷستەمدٸگٸ مەن تەرتٸپ قاعيداتتارىنا قۇرىلادى. حالىقتىڭ زاڭ ٷستەمدٸگٸنە دەگەن سەنٸمٸ – مەملەكەتتٸڭ باستى رەسۋرسى ەرٸ تٸرەگٸ. سوندىقتان بٸزدٸڭ نەگٸزگٸ مٸندەتٸمٸز – ەدٸلدٸكتٸ جارييالاۋ عانا ەمەس, ونى ورتاق مەدەنيەتٸمٸزدٸڭ اجىراماس بٶلٸگٸنە ەرٸ كٷندەلٸكتٸ ٶمٸرٸمٸزدٸڭ شارتىنا اينالدىرۋ. باسقاشا ايتقاندا, ەدٸلدٸك ۇلتتىق سانا مەن بولمىستىڭ ايرىقشا سيپاتىنا اينالۋعا تيٸس. مەملەكەت باسشىسى قاسىم-جومارت توقاەۆ ٶز نازارىن ٷنەمٸ دەل وسى باعىتقا اۋدارىپ كەلەدٸ», – دەدٸ ايبەك دەدەباي.
ول پارتييانىڭ نەگٸزگٸ مٸندەتتەرٸنٸڭ بٸرٸ مەملەكەت پەن ازاماتتار اراسىنداعى سەنٸمدٸ نىعايتۋ, ديالوگ پەن جاۋاپكەرشٸلٸككە نەگٸزدەلگەن ساياسي مەدەنيەت قالىپتاستىرۋ ەكەنٸن اتاپ ٶتتٸ.
«ەدٸلەت» پرەزيدەنتتٸڭ رەفورمالارىن قولدايدى
جاڭا ساياسي ۇيىم مەملەكەت باسشىسىنىڭ رەفورمالارىن قولدايتىنىن دا جارييا ەتتٸ. پارتييا ٶز جۇمىسىن زاڭ ٷستەمدٸگٸ مەن قوعامدىق تەرتٸپكە, تيٸمدٸ مەملەكەتتٸك ينستيتۋتتاردى قالىپتاستىرۋعا, ٶڭٸرلەردٸڭ ەلەۋەتٸن كٷشەيتۋگە جەنە «حالىق ٷنٸنە قۇلاق اساتىن مەملەكەت» قاعيداتىن ٸس جٷزٸندە جٷزەگە اسىرۋعا نەگٸزدەمەك.
سونىمەن قاتار ۇيىم ەدٸلەتتٸ ەرٸ بەسەكەگە قابٸلەتتٸ ەكونوميكانى دامىتۋعا, ەلەۋمەتتٸك ىنتىماق پەن ناقتى قولداۋدى كٷشەيتۋگە, ادامي كاپيتالدى ارتتىرۋعا, تسيفرلىق مەملەكەتتٸ جەتٸلدٸرۋگە, «تازا قازاقستان» باستاماسىن قولداۋعا, جاۋاپتى ورتا دەرجاۆا قاعيداتىن ۇستانۋعا جەنە جاڭا گەوساياسي ەتيكانى قالىپتاستىرۋعا باسىمدىق بەرەدٸ.
پارتييا يدەولوگيياسىنىڭ ٶزەگٸندە قازاقستاننىڭ بولاشاعى ەر ازاماتتىڭ بٷگٸنگٸ ەرەكەتٸنە بايلانىستى دەگەن ۇستانىم جاتىر. بۇل – ادال ەڭبەك ەتۋ, زاڭدى قۇرمەتتەۋ جەنە قوعام ٶمٸرٸنە بەيجاي قاراماي, ەل ٸسٸنە بەلسەندٸ ارالاسۋ دەگەندٸ بٸلدٸرەدٸ.
«قارسىلاستىق ەمەس, ٶز قۇندىلىقتارىمىز ماڭىزدى»
«استانا» حالىقارالىق قارجى ورتالىعىنىڭ باسقارۋشىسى, پارتييانىڭ جەتەكشٸ توبىنىڭ مٷشەسٸ رەنات بەكتۇروۆ جاڭا ساياسي ۇيىمنىڭ قۇندىلىقتارى مەن جۇمىس تەسٸلدەرٸنە توقتالدى. ونىڭ ايتۋىنشا, «ەدٸلەت» پارتيياسى ٶزٸن ساياسي تەكەتٸرەستٸڭ قۇرالى رەتٸندە قاراستىرمايدى جەنە باستى نازاردى ٶز باعدارلامالىق ماقساتتارى مەن يدەولوگيياسىنا اۋدارماق.
ونىڭ سٶزٸنشە, پارتييانىڭ ەرەكشەلٸگٸ ونىڭ باستاماشىلارى مەن قولداۋشىلارىنىڭ بۋىنىمەن دە بايلانىستى. بەكتۇروۆ پارتييا مٷشەلەرٸنٸڭ كٶپشٸلٸگٸنٸڭ دٷنيەتانىمى تەۋەلسٸز قازاقستان كەزەڭٸندە قالىپتاسقانىن اتاپ ٶتتٸ.
راۋان كەنجەحانۇلى: «پارتييا قوعامداعى ٶزگەرٸسكە دەگەن سۇرانىسقا جاۋاپ بەرٸپ»
قۇرىلتاي سەزٸندە سٶز سٶيلەگەن «قازاق تٸلٸ» حالىقارالىق قوعامىنىڭ پرەزيدەنتٸ, باستاماشىل توپتىڭ مٷشەسٸ راۋان كەنجەحانۇلى «ەدٸلەت» پارتيياسى ەدٸلەت قاعيداتىن باستى قۇندىلىق رەتٸندە ۇستاناتىنىن ايتتى. ونىڭ سٶزٸنشە, پارتييا قوعامداعى ٶزگەرٸسكە دەگەن سۇرانىسقا جاۋاپ بەرٸپ, ەر ازامات ٶز ٶمٸرٸندە ەدٸلەتتٸلٸكتٸ سەزٸنەتٸن ورتا قالىپتاستىرۋدى ماقسات ەتەدٸ.
ول پارتييا ٶز قىزمەتٸن ٶزگە ساياسي كٷشتەرمەن قارسىلاستىققا قۇرمايتىنىن ايتىپ, باستى نازار قوعامدىق ديالوگ پەن مەملەكەت پەن ازاماتتار اراسىنداعى سەنٸمدٸ كٷشەيتۋگە اۋدارىلاتىنىن جەتكٸزدٸ.
«ەدٸلەتتٸڭ» نەگٸزگٸ تٸرەگٸ جاستار بولماق
پارتييا باستاماشىلارىنىڭ بٸرٸ تالانت وماربەكوۆ «ەدٸلەت» پارتيياسىن قۇرۋعا 700 ادام باستاماشى بولعانىن ايتتى. ونىڭ سٶزٸنشە, ۇيىم قۇرىلعاننان كەيٸن پارتييانىڭ باعدارلاماسى مەن جارعىسى ەزٸرلەنٸپ, مٷشەلٸككە ونلاين تٸركەلۋگە مٷمكٸندٸك بەرەتٸن ارنايى تسيفرلىق پلاتفورما ٸسكە قوسىلعان.
سونداي-اق قىسقا ۋاقىت ٸشٸندە پارتيياعا 9 مىڭنان استام ادامنىڭ تٸركەلگەنٸ ايتىلدى. باستاماشىل توپ ٶكٸلٸنٸڭ پٸكٸرٸنشە, پارتيياعا قىزىعۋشىلىق تانىتىپ وتىرعانداردىڭ باسىم بٶلٸگٸ – جاستار.
«جاستارعا ەلەۋمەتتٸك ليفت پەن جاڭا ٶزگەرٸستەر قاجەت. قازٸر ساياساتقا ارالاساتىن ۋاقىت كەلگەنٸن جاستاردىڭ ٶزٸ دە تٷسٸنٸپ وتىر», – دەدٸ ول.
