ساۋدا جانە ينتەگراسيا مينيسترلىگى الماتىداعى ءبىرقاتار بازار تالاپقا ساي بولماعان جاعدايدا جابىلۋى مۇمكىن ەكەنىن مالىمدەدى، دەپ حابارلايدى Dalanews.kz.
ۆەدومستۆونىڭ مالىمەتىنشە، سوڭعى ءتورت جىل ىشىندە ەلىمىزدە 156 بازار جاڭعىرتۋدان وتكەن. ال ستاندارتتارعا سايكەس كەلمەيتىن ساۋدا ورىندارىنىڭ يەلەرىنە 2026 جىلدان باستاپ اكىمشىلىك جاۋاپكەرشىلىك قاراستىرىلعان.
بۇعان دەيىن 2025 جىلى الماتىداعى 38 بازاردىڭ 10-ى جاڭعىرتۋدان ءوتتى. قالعان جۇمىستاردى وسى جىلدىڭ جەلتوقسانىنا دەيىن اياقتاۋ جوسپارلانىپ وتىرعانى بەلگىلى بولعان. جاڭعىرتۋدان ءوتىپ جاتقان بازارلاردىڭ قاتارىندا: «ارلان»، «باتىر»، «تۇلپار»، «ارىستان»، «جىبەك جولى»، «ازيا»، «تاۋ سامالى»، «بەرەكە»، «ساۋدا كەنت» جانە «سارىارقا» بار.
