Saýda jáne integratsiia ministrligi Almatydaǵy birqatar bazar talapqa sai bolmaǵan jaǵdaida jabylýy múmkin ekenin málimdedi, dep habarlaidy Dalanews.kz.
Vedomstvonyń málimetinshe, sońǵy tórt jyl ishinde elimizde 156 bazar jańǵyrtýdan ótken. Al standarttarǵa sáikes kelmeitin saýda oryndarynyń ielerine 2026 jyldan bastap ákimshilik jaýapkershilik qarastyrylǵan.
Buǵan deiin 2025 jyly Almatydaǵy 38 bazardyń 10-y jańǵyrtýdan ótti. Qalǵan jumystardy osy jyldyń jeltoqsanyna deiin aiaqtaý josparlanyp otyrǵany belgili bolǵan. Jańǵyrtýdan ótip jatqan bazarlardyń qatarynda: «Arlan», «Batyr», «Tulpar», «Arystan», «Jibek Joly», «Aziia», «Taý Samaly», «Bereke», «Saýda Kent» jáne «Saryarqa» bar.
