بالالاردىڭ جۇگىرۋدەن جارىسى تۇڭعىش رەت جەكە سپورتتىق شارا رەتىندە وتكەلى وتىر. سايىسقا قاتىسۋعا 300 ادام تىركەلگەن.
– بالالاردىڭ جۇگىرۋى جارىسى وزگە دە بايراقتى باسەكەلەرمەن بىردەي جىل سايىن الماتى مارافونى اياسىندا وتەتىن تاعى ءبىر شاراعا اينالماقشى. بىزگە الماتى مارافونى مەن جارىستارعا قاتىسۋشىلاردان بالالارعا ارنالعان شارالاردى ۇيىمداستىرۋ نەمەسە سايىستارعا 10 جاستان كىشى بالالاردىڭ قاتىسۋىنا رۇقسات بەرۋ تۋرالى وتىنىشتەر ءجيى كەلەدى. سول سەبەپتى ءبىز بالالارعا ارنالعان جارىستى وتكىزۋ تۋرالى شەشىم قابىلدادىق. قاشىقتىقتار كىشكەنتاي بالالاردىڭ وزدىگىنەن ەڭسەرۋىنە جاعداي جاساۋ ءۇشىن جانە ىڭعايلىلىق پەن قاۋىپسىزدىكتى ەسكەرە وتىرىپ ەسەپتەلگەن، – دەيدى الماتى مارافونىنىڭ ديرەكتورى سالتانات قازىبايەۆا.
جۇگىرۋمەن اينالىسۋدىڭ كوپتەگەن وڭ اسەرى بار – فيزيكالىق ساۋلىقتى شىڭداۋ، ۇيقى، تابەت پەن مي قىزمەتىنىڭ جاقسارۋى، شارشاۋعا قارسى توزىمدىلىكتىڭ جوعارىلاۋى. جۇگىرۋ كەزىندە جالقاۋلىقتى جەڭۋ كەيىن ساباق وقۋعا دا جاعىمدى اسەر ەتەدى. وقۋشىلار ءۇي جۇمىسىن وڭايلىقپەن ورىنداي الاتىن بولادى. ويىن ەلەمەنتتەرىن قوسۋ ارقىلى بالانىڭ جۇگىرۋگە دەگەن قىزىعۋشىلىعىن ارتتىرۋعا بولادى. وسى ارقىلى بالا جۇيەلى تۇردە جۇگىرۋگە داعدىلانادى. بۇل رەتتە جۇيەلىلىك پەن جوسپارلاۋ ماڭىزدى. تەك وسى ارقىلى جۇگىرۋ جاس سپورتشىنىڭ اعزاسىنا وڭ ىقپال ەتە الادى.
– شارا جاس جۇگىرۋشىلەرگە جاقسى كوڭىل-كۇي سىيلاپ، جۇيەلى تۇردە جۇگىرۋدىڭ باستاماسىنا اينالسا يگى. ۇلكەن قاشىقتىقتارعا جۇگىرۋ مي جۇمىسىن جاقسارتادى، ءارى مەديتاسيا ىسپەتتى. جۇگىرۋ كەزىندە كەلگەن قىزىقتى يدەيالارىن الەمدىك حيتكە اينالدىرعان ادامدار تۋرالى وقيعالار كوپ. ماسەلەن، Google قىزمەتكەرلەرىنىڭ بىرىنە جۇگىرۋ كەزىندە Google Glass جاساپ شىعارۋ يدەياسى كەلگەن. ءبىزدىڭ قاتىسۋشىلارىمىزدىڭ ىشىنەنالەمدىك ترەندتەردىڭ اۆتورلارى شىعاتىنىنا كۇمان جوق، – دەيدى سالتانات قازىبايەۆا.
اينۇر جۇماحان
