الماتى قالاسىنىڭ بوستاندىق اۋدانىندا ايالدامادا تۇرعان 66 جاستاعى ايەلگە شابۋىل جاساپ، اياۋسىز سوققىعا جىققان ەر ادام قاماۋعا الىندى، دەپ حابارلايدى Dalanews.kz.
ونىڭ ايتۋىنشا، وقيعا ساناتوريي كوشەسىندە بولعان. اناسى ايالدامادا اۆتوبۋس كۇتىپ تۇرعان كەزدە، بەلگىسىز جىگىت ارت جاعىنان كەلىپ، ەش سەبەپسىز ۇرا باستاعان.
يلميرانىڭ سوزىنشە، كۇدىكتى ماڭايدا ادام ازايعان ءساتتى كۇتىپ، قارت ايەلگە قاتىگەزدىكپەن شابۋىل جاساعان. ءقازىر زارداپ شەككەن ايەل اۋرۋحانادا جاتىر، جاعدايى اۋىر.
الماتىنىڭ پوليسيا دەپارتامەنتى بۇل دەرەك بويىنشا قىلمىستىق ءىس قوزعالعانىن حابارلادى.
جەدەل-ىزدەستىرۋ شارالارى ناتيجەسىندە كۇدىكتىنىڭ جەكە باسى انىقتالىپ، ول ۇستالىپ، ۋاقىتشا ۇستاۋ يزولياتورىنا قامالعان.
ءقازىر بولعان وقيعانى جان-جاقتى ءارى وبەكتيۆتى تەرگەۋگە باعىتتالعان كەشەندى تەرگەۋ ارەكەتتەرى جۇرگىزىلىپ جاتىر.
