Almaty qalasynyń Bostandyq aýdanynda aıaldamada turǵan 66 jastaǵy áıelge shabýyl jasap, aıaýsyz soqqyǵa jyqqan er adam qamaýǵa alyndy, dep habarlaıdy Dalanews.kz.

Onyń aıtýynsha, oqıǵa Sanatorıı kóshesinde bolǵan. Anasy aıaldamada avtobýs kútip turǵan kezde, belgisiz jigit art jaǵynan kelip, esh sebepsiz ura bastaǵan.

Ilmıranyń sózinshe, kúdikti mańaıda adam azaıǵan sátti kútip, qart áıelge qatygezdikpen shabýyl jasaǵan. Qazir zardap shekken áıel aýrýhanada jatyr, jaǵdaıy aýyr.

Almatynyń polısıa departamenti bul derek boıynsha qylmystyq is qozǵalǵanyn habarlady. 

Jedel-izdestirý sharalary nátıjesinde kúdiktiniń jeke basy anyqtalyp, ol ustalyp, ýaqytsha ustaý ızolátoryna qamalǵan. 

Qazir bolǵan oqıǵany jan-jaqty ári obektıvti tergeýge baǵyttalǵan keshendi tergeý áreketteri júrgizilip jatyr.