الماتىدا 13 كولىككە زاقىم كەلگەن امانجول كوشەسىندەگى شۇڭقىر ءۇشىن مەردىگەر اكىمشىلىك جاۋاپقا تارتىلدى، دەپ حابارلايدى Dalanews.kz.
الماتىنىڭ قالا قۇرىلىسىن باقىلاۋ باسقارماسى ساين، شالياپين، ياسساۋي جانە جاندوسوۆ كوشەلەرىنىڭ اۋماعىندا ينجەنەرلىك جەلىلەردى جۇرگىزىپ جاتقان مەردىگەر ۇيىمعا قاتىستى جوسپاردان تىس تەكسەرىستىڭ ناتيجەسىن حابارلادى.
تەكسەرىس بارىسىندا "سپەسستروي گرۋپپ لتد" ج ش س ءبىرقاتار قۇرىلىس نورماسىن بۇزعانى انىقتالدى.
"ترانشەيالاردىڭ قيا بەتكەيلەرى بەكىتىلمەگەن، جەرگىلىكتى دىمقىل توپىراق قاباتتاپ نىعىزدالماستان قايتا كومىلىپ، كەيبىر ۋچاسكەلەردە ترانشەياعا جەر استى سۋلارى تولىپ قالعان. امانجول جانە وزگە دە كوشەلەردە ينەرتتى ماتەريال توسەلمەگەندىكتەن، توپىراقتىڭ تىعىزدالۋ دەڭگەيى تالاپقا ساي بولماي شىقتى. سونىڭ سالدارىنان جاۋىن-شاشىن كەزىندە جول جابىندىسى وتىرىپ، تەرەڭ شۇڭقىرلار پايدا بولدى"، - دەپ جازىلعان اكىمدىك حابارلاماسىندا.
قالا قۇرىلىسىن باقىلاۋ باسقارماسى مەردىگەر ۇيىمعا انىقتالعان كەمشىلىكتەردى 2025 جىلى 8 قازانعا دەيىن جويۋ جونىندە نۇسقاۋ بەردى. ەگەر بەلگىلەنگەن مەرزىمدە تالاپتار ورىندالماسا، ءىس سوتقا جولدانىپ، زاڭ اياسىندا پروسەسسۋالدىق شەشىم قابىلدانادى.
ەسكە سالايىق، 23 قىركۇيەكتە الماتىدا جاۋعان قاتتى جاڭبىردان كەيىن امانجول كوشەسىنىڭ ءبىر بولىگى قايتا ءبۇلىندى. جەرگىلىكتى تۇرعىنداردىڭ ايتۋىنشا، جاۋىننان كەيىن بۇل كوشە تۇتاس ارىققا اينالادى. ءبىر اپتا بۇرىن ءدال وسى جەردە بىردەن 13 كولىك شۇڭقىرعا ءتۇسىپ كەتكەن ەدى.
