الماتىداعى №1 قالالىق ەمحانادا ەڭبەك جاعدايىنا قاتىستى قىزمەتكەرلەردەن بٸرقاتار شاعىم تٷسٸپ جاتىر. مەديتسينا ۇيىمى قىزمەتكەرٸنٸڭ ايتۋىنشا, كەيٸنگٸ جىلدارى جالاقى تٶلەۋ جٷيەسٸ, جۇمىس جاعدايى جەنە ۇجىم ٸشٸندەگٸ قىسىم مەسەلەلەرٸ الاڭداۋشىلىق تۋعىزعان. Dalanews.kz رەداكتسيياسى اتالعان مەكەمەدە جۇمىس ٸستەيتٸن قىزمەتكەرمەن تٸلدەسٸپ, جاعدايدىڭ مەن-جايىن انىقتاۋعا تىرىستى.
باسشىلىق اۋىسقاننان كەيٸنگٸ ٶزگەرٸستەر
رەداكتسيياعا بۇل مەسەلەلەردٸ الماتى تۇرعىنى, №1 قالالىق ەمحانادا جۇمىس ٸستەيتٸن 28 جاستاعى مەدبيكە گٷلجان ٷسەرباەۆا جەتكٸزدٸ. ونىڭ ايتۋىنشا, 2023 جىلى مەكەمەگە جاڭا باسشىلىق تاعايىندالعاننان كەيٸن ۇجىمداعى ەڭبەك قاتىناستارى ايتارلىقتاي ٶزگەرگەن.
مەدبيكەنٸڭ سٶزٸنشە, ەمحانا باسشىسى نەمتينا ناتاليا ۆلاديميروۆنا بۇرىن جۇمىس ٸستەگەن №14 قالالىق ەمحانادان شامامەن 20 قىزمەتكەردٸ ٶزٸمەن بٸرگە الىپ كەلگەن. ايتۋىنشا, سانيتارلىق قىزمەتكەردەن باسقا قىزمەتكەرلەردٸڭ بارلىعىنا جوعارى جالاقى بەلگٸلەنگەن, ال بۇرىننان ەڭبەك ەتٸپ كەلە جاتقان مامانداردىڭ جالاقىسى ٶزگەرٸسسٸز قالعان.
گٷلجان ٶز جالاقىسى شامامەن 179 مىڭ تەڭگە ەكەنٸن, ال جاڭادان كەلگەن مەدبيكەلەردٸڭ جالاقىسى 349 مىڭ تەڭگەگە دەيٸن جەتەتٸنٸن ايتتى. ونىڭ سٶزٸنشە, كەيبٸر قىزمەتكەرلەردٸڭ ايلىعى 500 مىڭ تەڭگەدەن اسۋى مٷمكٸن. مەدبيكە بۇل ايىرماشىلىق بٸردەي ەڭبەك جٷكتەمەسٸنە قاراماستان ساقتالىپ وتىرعانىن ايتىپ, ەسەپ ايىرىسۋ پاراقتارى مەن ٸشكٸ قۇجاتتار مۇنى راستاۋى مٷمكٸن ەكەنٸن جەتكٸزدٸ.
ەسەپ ايىرىسۋ قۇجاتتارىن الۋداعى قيىندىقتار
گٷلجاننىڭ ايتۋىنشا, 2025 جىلدىڭ قازان–قاراشا ايلارىندا قىزمەتكەرلەر جالاقى ەسەپتەرٸن تەكسەرۋ ٷشٸن الماتى قالالىق قوعامدىق دەنساۋلىق ساقتاۋ باسقارماسى باسشىسىنىڭ قابىلداۋىنا بارۋعا نيەت بٸلدٸرگەن. الايدا 2023 جىلدان بەرگٸ ەسەپ ايىرىسۋ پاراقتارىن الۋ قيىنعا سوققان.
قۇجاتتاردى العاننان كەيٸن كەلەسٸ كٷنٸ قىزمەتكەرلەر ەتيكالىق كەڭەستٸڭ وتىرىسىنا شاقىرىلعان. مەدبيكەنٸڭ ايتۋىنشا, بۇل جيىن رەسمي تٷردە رەسٸمدەلمەگەن, حاتتاما جٷرگٸزٸلمەگەن, قاتىسۋشىلار قول قويماعان جەنە جازباشا شەشٸم شىعارىلماعان.
كوميسسييا تەكسەرۋٸ جەنە قىسىم تۋرالى مەلٸمدەمەلەر
مەسەلە بويىنشا قىزمەتكەرلەر ەڭبەك قۇقىقتارىنىڭ ساقتالۋىنا قاتىستى رەسمي شاعىم جولداعان. وسىدان كەيٸن مەكەمەگە تەكسەرۋ كوميسسيياسى كەلگەن. تەكسەرۋ بارىسىندا 19 قىزمەتكەر قول قويىپ, ٶز ۇستانىمدارىن بٸلدٸرگەن.
الايدا مەدبيكەنٸڭ ايتۋىنشا, تەكسەرۋدەن كەيٸن جاعداي شيەلٸنٸسە تٷسكەن. ونىڭ سٶزٸنشە, كەيٸن وسى 19 قىزمەتكەردٸڭ بارلىعى جەكە شاقىرىلىپ, تٷسٸنٸكتەمە جازۋعا مەجبٷرلەنگەن.
مەدبيكە مەن ونىڭ ەرٸپتەستەرٸ بۇل مەسەلەگە قوعام نازارىن اۋدارۋ ٷشٸن جۋرناليستەردەن كٶمەك كٷتەتٸنٸن جەتكٸزدٸ.
كەڭەس وتىرىسىنان كەيٸنگٸ كادرلىق ٶزگەرٸستەر
گٷلجاننىڭ ايتۋىنشا, اتالعان وتىرىستا ەكٸ قىزمەتكەردٸڭ ەسٸمٸ اتالعان. كەلەسٸ كٷنٸ دەرٸگەرلەردٸڭ بٸرٸ جۇمىستان بوساتىلعان. تاعى بٸر مەدبيكەنٸڭ جالاقىسى قىسقارتىلىپ, ول 2026 جىلدىڭ اقپانىندا جۇمىستان كەتكەن. قىزمەتكەر بۇل جاعدايدى ەڭبەك قۇقىعىن قورعاۋعا تالپىنىستان كەيٸنگٸ قىسىمنىڭ بەلگٸسٸ دەپ سانايدى.
جۇمىس جاعدايى: سانيتارلىق جەنە تەحنيكالىق مەسەلەلەر
مەدبيكەنٸڭ ايتۋىنشا, مەسەلە تەك جالاقىمەن شەكتەلمەيدٸ. ونىڭ سٶزٸنشە, جۇمىس ورىندارىنداعى جاعداي دا تالاپقا ساي ەمەس. كابينەتتەردە سانيتارلىق ماتەريالدار جەتٸسپەيدٸ, كەيبٸر كومپيۋتەرلەر ٸستەمەيدٸ, جيھازدار بٷلٸنگەن. پەرنەتاقتا مەن كومپيۋتەرلٸك تٸنتۋٸرلەردٸڭ توزۋى دا جۇمىس ساپاسىنا ەسەر ەتٸپ جاتىر.
سونىمەن قاتار سانيتارلىق توراپتاردىڭ جاعدايى قاناعاتتانارلىقسىز, جەلدەتۋ جٷيەسٸ جۇمىس ٸستەمەيدٸ, جازدا كابينەت ٸشٸندەگٸ تەمپەراتۋرا 40 گرادۋسقا دەيٸن كٶتەرٸلەدٸ. قىزمەتكەرلەر بٸرنەشە رەت كونديتسيونەر ورناتۋدى سۇراعانىمەن, مەسەلە شەشٸلمەگەن.
"ٶلٸ جاندار" تۋرالى كٷدٸك
گٷلجان مەكەمەدە جۇمىس ٸستەمەيتٸن, بٸراق جالاقى الۋى مٷمكٸن ادامدار بار دەگەن كٷدٸك بار ەكەنٸن ايتتى. ونىڭ ايتۋىنشا, بۇل تۋرالى قۇجاتتىق دەلەلدەر بار. دەگەنمەن بۇل اقپارات تەۋەلسٸز تەكسەرۋدٸ قاجەت ەتەدٸ.
قىزمەتكەرلەر نە تالاپ ەتەدٸ?
قىزمەتكەرلەر قۇزىرلى ورگانداردان ەڭبەك زاڭناماسىنىڭ ساقتالۋىن تەكسەرۋدٸ, جالاقى جٷيەسٸنٸڭ اشىقتىعىنا قۇقىقتىق باعا بەرۋدٸ, قىسىم كٶرسەتۋ فاكتٸلەرٸن زەرتتەۋدٸ جەنە ەڭبەك قاۋٸپسٸزدٸگٸ تالاپتارىنىڭ ورىندالۋىن تەكسەرۋدٸ سۇرايدى.
قازاقستان زاڭناماسىنا سەيكەس, تەڭ ەڭبەك ٷشٸن تەڭ اقى تٶلەۋ قاعيداتى ساقتالۋى تيٸس جەنە ەر قىزمەتكەر قاۋٸپسٸز ەڭبەك جاعدايىنا قۇقىلى. قىزمەتكەرلەردٸڭ زاڭدى شاعىم جاساۋىنا كەدەرگٸ كەلتٸرۋگە جول بەرٸلمەيدٸ. دەگەنمەن ناقتى قۇقىقتىق باعا رەسمي تەكسەرۋ نەتيجەسٸندە عانا بەرٸلەدٸ.
ەمحانا باسشىلىعىنىڭ ۇستانىمى
رەداكتسييا قولىنا تٷسكەن جينالىس جازباسىندا ەمحانا باسشىسى نەمتينا ناتاليا ۆلاديميروۆنا قىزمەتكەرلەرگە جالاقى مەن قارجىلاندىرۋ مەسەلەسٸنە قاتىستى تٷسٸنٸكتەمە بەرگەن.
جازبادا باسشى قىزمەتكەرلەردٸ جۇمىسقا كٸرٸسپەس بۇرىن “جٷز رەت ويلانىپ الۋ” كەرەگٸن ايتىپ, جالاقىنىڭ ەسەپتەلۋٸ قولدانىستاعى نورماتيۆتەرگە سەيكەس جٷرگٸزٸلەتٸنٸن جەتكٸزگەن. ونىڭ ايتۋىنشا, بارلىق قىزمەتكەر جالاقىنى تيٸستٸ قاۋلىعا سەيكەس الادى.
"بٸز جالاقىنى №1193 قاۋلىعا سەيكەس ەسەپتەيمٸز. بارلىعى ەڭبەك ٶتٸلٸ مەن ساناتىنا قاراي تٶلەنەدٸ", – دەگەن ول.
ول سونداي-اق مەكەمە قارجىلىق قيىندىققا تاپ بولعانىن ايتقان.
"مەن كەلگەن كەزدە ٷلكەن نەسيە بەرەشەگٸ بولدى. العاش رەت فومس 132 ملن تەڭگە بٶلدٸ, قارىزدىڭ بٸر بٶلٸگٸن جاپتىق. بٸراق بەرەشەك ٶسٸپ, قازٸر 205 ملن تەڭگەگە جەتتٸ", – دەپ مەلٸمدەگەن ول.
باسشىنىڭ تٷسٸندٸرۋٸنشە, قىزمەتكەرلەردٸڭ تابىسى كٶرسەتٸلگەن مەديتسينالىق قىزمەت كٶلەمٸنە دە بايلانىستى. ول مەديتسينالىق قىزمەتتەر دۇرىس تٸركەلمەگەن جاعدايدا تٶلەمدەر قىسقارتىلاتىنىن ايتىپ, قىزمەتكەرلەرگە قىزمەتتەردٸ ۋاقىتىلى ەرٸ دۇرىس ەنگٸزۋدٸڭ ماڭىزىن تٷسٸندٸرگەن. ونىڭ سٶزٸنشە, “ومس قورى مونيتورينگ جٷرگٸزٸپ, قاتەلەر انىقتالعان جاعدايدا قارجى اۆتوماتتى تٷردە شەگەرٸلەدٸ”.
جينالىس بارىسىندا ول قىزمەتكەرلەرگە سىياقى تٶلەۋ مەسەلەسٸنە دە توقتالىپ, قارىز كٶلەمٸنە بايلانىستى قوسىمشا تٶلەم جاساۋ زاڭسىز بولاتىنىن ايتقان. باسشىنىڭ سٶزٸنشە, بٸر رەت 7 ملن تەڭگە كٶلەمٸندە سىياقى بەرٸلگەن, الايدا قازٸرگٸ قارجىلاي جاعداي مۇنداي تٶلەمدەردٸ تۇراقتى تٷردە جاساۋعا مٷمكٸندٸك بەرمەيدٸ.
سونداي-اق ول ەر قىزمەتكەر كٶرسەتٸلگەن قىزمەتتەردٸ دۇرىس تٸركەپ, قارجىلاندىرۋ تالاپتارىن ورىنداۋى قاجەت ەكەنٸن ايتىپ, “ەر دەرٸگەر بەلگٸلٸ بٸر دەڭگەيدە قارجى مەسەلەسٸن دە تٷسٸنۋٸ تيٸس” دەگەن پٸكٸر بٸلدٸرگەن.
