الماتى زووباعىندا تيان-شان قوڭىر ايۋ كۇشىكتەرى دۇنيەگە كەلدى، دەپ حابارلايدى Dala News.
زووباق مالىمەتىنشە، قاڭتار ايى جانۋارلار ءۇشىن ەڭ «ءونىمدى» كەزەڭدەردىڭ ءبىرى بولعان. بۇعان دەيىن مۇندا امۋر جولبارىستارى مەن كەنگۋرۋلاردىڭ تولدەگەنى حابارلانعان.
ەكى ايۋ كۇشىگى كۋرمانبەك پەن گەردا ەسىمدى ايۋلاردان تۋعان. گەردا ءۇشىن بۇل – ءتورتىنشى رەت تولدەۋى.
جىرتقىش سۇتقورەكتىلەر ءبولىمىنىڭ جەتەكشىسى گاۋحار سەرگىبايەۆا كۇشىكتەردىڭ قاڭتار ايىندا دۇنيەگە كەلگەنىن ايتتى.
ونىڭ سوزىنشە، ايۋلار العاش تۋعان كەزدە سوقىر، ساڭىراۋ جانە وتە ءالسىز بولادى. العاشقى 3–4 ايدا ولار ءىن ىشىندە بولىپ، اناسىنىڭ سۇتىمەن قورەكتەنەدى.
قازىرگى ۋاقىتتا اناسى كۇشىكتەرىن ۇلكەن قورشاۋعا شىعارا باستاعان. مامانداردىڭ ايتۋىنشا، گەردا تاجىريبەلى انالىق رەتىندە كۇشىكتەرىنە جاقسى كۇتىم جاساپ وتىر.
زووباق ءداستۇر بويىنشا جاڭا تۋعان ايۋلارعا ات قويۋ ءۇشىن تۇرعىنداردى قاتىسۋعا شاقىردى. قازىرگى تاڭدا ءبىر ۇل جانە ءبىر قىز ايۋعا ەسىم تاڭداۋ ءجۇرىپ جاتىر.
