Almaty zoobaǵynda tian-shan qońyr aiý kúshikteri dúniege keldi, dep habarlaidy Dala News.
Zoobaq málimetinshe, qańtar aiy janýarlar úshin eń «ónimdi» kezeńderdiń biri bolǵan. Buǵan deiin munda amýr jolbarystary men kengýrýlardyń tóldegeni habarlanǵan.
Eki aiý kúshigi Kýrmanbek pen Gerda esimdi aiýlardan týǵan. Gerda úshin bul – tórtinshi ret tóldeýi.
Jyrtqysh sútqorektiler bóliminiń jetekshisi Gaýhar Sergibaeva kúshikterdiń qańtar aiynda dúniege kelgenin aitty.
Onyń sózinshe, aiýlar alǵash týǵan kezde soqyr, sańyraý jáne óte álsiz bolady. Alǵashqy 3–4 aida olar in ishinde bolyp, anasynyń sútimen qorektenedi.
Qazirgi ýaqytta anasy kúshikterin úlken qorshaýǵa shyǵara bastaǵan. Mamandardyń aitýynsha, Gerda tájiribeli analyq retinde kúshikterine jaqsy kútim jasap otyr.
Zoobaq dástúr boiynsha jańa týǵan aiýlarǵa at qoiý úshin turǵyndardy qatysýǵa shaqyrdy. Qazirgi tańda bir ul jáne bir qyz aiýǵa esim tańdaý júrip jatyr.
