الماتى يادرولىق بومبادان قالاي امان قالدى? دامان مەن جالاڭاشكٶل سوعىسى 1969-1979 جىلدار اراسىندا بولعان قىتاي مەن كسرو اراسىنداعى شيرىققان شيەلەنٸس كەزٸندە شىنىمەن بولۋى مٷمكٸن يادرولىق سوعىس قاۋپٸنە دۋشار ەتتٸ.
1969 جىلدىڭ قىركٷيەگٸندە بەيجٸڭ ەۋەجايىندا كسرو مينيسترلەر كەڭەسٸنٸڭ تٶراعاسى الەكسەي كوسىگين مەن قىتاي پرەمەرٸ چجوۋ ەنلايننىڭ كەزدەسۋٸ يادرولىق جانجالدىڭ الدىن الۋعا سەبەپ بولىپ, ەكٸ ەل بٸراز ۋاقىت تىنىشتالعانداي بولعان.
دەگەنمەن 1970 جىلى 24 سەۋٸردە شيەلەنٸس شەگٸنە جەتتٸ. قىتاي سول كٷنٸ تۇڭعىش جاساندى جەر سەرٸگٸن ۇشىرعان-دى. وسىدان كەيٸن كەڭەس ٶكٸمەتٸ گوبي شٶلٸنە اتوم بومباسىن تاستاۋعا بەكٸندٸ. قىتاي دا قاراپ جاتقان جوق-تى. سول كەزدە لوبنوردان اتقىلاناتىن العاشقى نىسان رەتٸندە شەكاراعا تاياۋ الماتى قالاسى بەلگٸلەنٸپتٸ.
دٷنيە دەمٸن ٸشٸنە تارتىپ, بٸر سۇمدىقتى كٷتكەن ەدٸ. استانا جۇرتى كٷندەلٸكتٸ كٷيبەڭ تٸرشٸلٸكتٸڭ سوڭىندا جٷرٸپ, جانالقىمنان تٶنٸپ تۇرعان قاۋٸپتٸ سەزٸنبەگەنمەن, جوعارى جاق مۇرنىنىڭ ۇشىمەن قيمىلداپ جاتقان. كٶپ قاباتتى ٷيلەردٸڭ جەرتٶلەلەرٸ بومبادان تىعىلاتىن ورىندارعا اينالدىرىلىپ جاتتى.
شەكارادان بەرٸ قاراي اعىلۋى مٷمكٸن بوسقىنداردىڭ الدىن الۋ شارالارى جٷرگٸزٸلدٸ. سول كەزدە دٸنمۇحامەد قوناەۆتىڭ وقالى ەسكەريلەردٸ ارتىق قيمىلدارعا بارعىزباعانى بەن ٶز مٸندەتٸنە بەرٸلگەن ۇلتى قازاق چەكيستەردٸڭ كٶزگە كٶرٸنبەيتٸن ەڭبەكتەرٸ ٷلكەن رٶل اتقاردى. قۇداي ساقتاپ, كسرو مەن قىتاي باسشىلىعى ەرٸكسٸز كەلٸسسٶز ٷستەلٸنە وتىرۋعا مەجبٷر بولماعاندا, كٸم بٸلەدٸ...
تٶرەعالي تەشەنوۆ
دەرەككٶزٸ: aikyn.kz
