ماڭىزدى مادەني شاراعا قازاق ەستراداسىنىڭ جۇلدىزدارى «مۋزارت»، «جىگىتتەر»، قايرات نۇرتاس، مارحابا ءسابي، كاليفورنيا، ەڭلىك، يلحان يسحانوۆ، جانار دۇعالوۆا، حەي مونرو سىندى ونەر جۇلدىزدارى قاتىسىپ، ءان سالاتىن بولادى.
ۇيىمداستىرۋشىلار قالا قوناقتارى مەن تۇرعىندارى نازارىنا تاقىرىپتىق بەينەروليكتەردىڭ سۇيەمەلدەۋىمەن 13 مۋزىكالىق قويىلىم ۇسىنۋدى كوزدەپ وتىر. سونداي-اق، 30 تامىزدا كونستيتۋسيا كۇنىنە وراي ءبىرقاتار سپورتتىق شارالار ۇيىمداستىرىلادى.
سونىمەن قاتار، قالانىڭ بارلىق اۋداندارىندا مەرەكەلىك شارالار وتەدى.
ايتالىق، اۋەزوۆ اۋدانىندا سالتاناتتى شارا 29 تامىز كۇنى ساعات 11:00، Family Park دەمالىس ساياباعىندا وتسە، ناۋرىزباي اۋدانىندا كونستيتۋسيا كۇنىنە وراي ەسترادا جۇلدىزدارىنىڭ قاتىسۋىمەن شۇعىلا اۋدانىندا «يننوۆاسيالىق شىعارماشىلىق ورتالىعىندا» 29 تامىز كۇنى ساعات 11:00-دە كونسەرت ۇيىمداستىرىلادى. بوستاندىق اۋدانىندا ساعات 17:00-دە MEGA Alma-Ata ساۋدا ورتالىعىنىڭ امفيتەاترىندا كونستيتۋسيا كۇنىنە ارنالعان مەرەكەلىك كونسەرت وتەدى.
تۇركسىب اۋدانىندا ساعات 18:00-دە سەيفۋللين داڭعىلى، 13/1 مەكەنجايى بويىنشا ورنالاسقان وقۋشىلار ءۇيىنىڭ اۋماعىندا قازاق جۇلدىزدارى مەن ونەر ۇجىمدارىنىڭ قاتىسۋىمەن مەرەكەلىك باعدارلاما وتەدى. اۋداندىق مەرەكەدە تۋدى سالتاناتتى تۇردە كوتەرۋ، ءانۇران ورىنداۋ، 16 جاسقا تولعان ازاماتتارعا جەكە كۋالىكتەرىن تابىستاۋ، ۇتىس ويىندارى مەن بايقاۋلار، اشىق اسپان استىنداعى فيلمدەر كورسەتىلىمى ۇيىمداستىرىلادى.
جەتىسۋ مەن مەدەۋ، المالى اۋداندارىندا دا كونستيتۋسيا كۇنىنە وراي گالا-كونسەرت وتەدى
