Mańyzdy mádenı sharaǵa qazaq estradasynyń juldyzdary «Mýzart», «Jigitter», Qaırat Nurtas, Marhaba Sábı, Kalıfornıa, Eńlik, Ilhan Ishanov, Janar Duǵalova, Heı Monro syndy óner juldyzdary qatysyp, án salatyn bolady.
Uıymdastyrýshylar qala qonaqtary men turǵyndary nazaryna taqyryptyq beınerolıkterdiń súıemeldeýimen 13 mýzykalyq qoıylym usynýdy kózdep otyr. Sondaı-aq, 30 tamyzda Konstıtýsıa kúnine oraı birqatar sporttyq sharalar uıymdastyrylady.
Sonymen qatar, qalanyń barlyq aýdandarynda merekelik sharalar ótedi.
Aıtalyq, Áýezov aýdanynda saltanatty shara 29 tamyz kúni saǵat 11:00, Family Park demalys saıabaǵynda ótse, Naýryzbaı aýdanynda Konstıtýsıa kúnine oraı estrada juldyzdarynyń qatysýymen Shuǵyla aýdanynda «Inovasıalyq shyǵarmashylyq ortalyǵynda» 29 tamyz kúni saǵat 11:00-de konsert uıymdastyrylady. Bostandyq aýdanynda saǵat 17:00-de MEGA Alma-Ata saýda ortalyǵynyń amfıteatrynda Konstıtýsıa kúnine arnalǵan merekelik konsert ótedi.
Túrksib aýdanynda saǵat 18:00-de Seıfýllın dańǵyly, 13/1 mekenjaıy boıynsha ornalasqan Oqýshylar úıiniń aýmaǵynda qazaq juldyzdary men óner ujymdarynyń qatysýymen merekelik baǵdarlama ótedi. Aýdandyq merekede týdy saltanatty túrde kóterý, ánuran oryndaý, 16 jasqa tolǵan azamattarǵa jeke kýálikterin tabystaý, utys oıyndary men baıqaýlar, ashyq aspan astyndaǵy fılmder kórsetilimi uıymdastyrylady.
Jetisý men Medeý, Almaly aýdandarynda da Konstıtýsıa kúnine oraı gala-konsert ótedi
