الماتى وبلىسىنىڭ كيبەرپوليسەيلەرى وڭىرلىك كوممۋنيكاسيالار قىزمەتىنىڭ الاڭىندا وتكەن بريفينگتە ينتەرنەت-الاياقتىققا قارسى ءىس-قيمىل بويىنشا كەشەندى شارالار تۋرالى ايتىپ بەردى، – دەپ حابارلايدى Dalanews.kz الماتى وبلىسى اكىمىنىڭ باسپا ءسوز قىزمەتىنە سىلتەمە جاساپ.
قۇقىق قورعاۋ ورگاندارىنىڭ وكىلدەرى ازاماتتاردى كيبەرقاۋىپتەردەن قورعاۋدىڭ جاڭا جولدارى تۋرالى ايتىپ، الاياقتىق سحەمالاردى جەدەل انىقتاۋعا باعىتتالعان جوبالاردى ۇسىندى.
– 22 شىلدەدە ءوز جۇمىسىن ۇلتتىق بانكپەن جانە ق ر ىىم-مەن بىرلەسىپ باستاعان «Antifraud-ورتالىق» جوباسىن قۇرۋ ماڭىزدى قادام بولدى. ورتالىق الاياقتىق وپەراسيالاردى ءتيىمدى انىقتاۋ جانە بۇعاتتاۋ ءۇشىن قارجى ۇيىمدارىن، قۇقىق قورعاۋ ورگاندارىن جانە بايلانىس وپەراتورلارىن بىرىكتىرەتىن پلاتفورما بولىپ تابىلادى. ورتالىق ىسكە قوسىلعان ساتتەن باستاپ الماتى وبلىسى بويىنشا 200-گە جۋىق كۇدىكتى وپەراسياعا توسقاۋىل قويىلىپ، جابىرلەنۋشىلەرگە بۇعاتتالعان قاراجاتتى قايتارۋ بويىنشا جۇمىستار جۇرگىزىلۋدە، – دەپ اتاپ ءوتتى الماتى وبلىسى پد كپب باستىعىنىڭ م.ا. نۇرجان كەڭەسحان ۇلى.
