الماتى وبلىسىنىڭ ەكس-اكىمى اڭسار مۇساحانوۆ ومىردەن ءوتتى، دەپ حابارلايدى Dalanews.kz.

قايعىلى حاباردى سەناتور جانبولات جورگەنبايەۆ facebook پاراقشاسىندا حابارلادى. 

"ومىردە بولمىسى بولەك، ۇستانىمى بەرىك زامانداسىمىزدىڭ ايتار اسىل ويلارى مەن حالقىنا بەرەر پايداسى مول ەدى. ومىرلىك جولىندا ادال ەڭبەك ەتىپ، ابىرويمەن وتكىزگەن، وڭ ىستەرىنىڭ جەمىسىن قالدىرعان ارداقتى ازاماتتىڭ جارقىن بەينەسى ءاردايىم جادىمىزدا"، دەپ جازدى سەناتور.

مۇساحانوۆ اڭسار تۇرسىنحان ۇلى (1966 جىلى الماتى وبلىسى، كۇرتى اۋدانىندا دۇنيەگە كەلگەن) - الماتى وبلىسىنىڭ بۇرىنعى اكىمى.

الماتى مال دارىگەرلىك ينستيتۋتىن، قازاق ۇلتتىق اگرارلىق ۋنيۆەرسيتەتىن بىتىرگەن، ماماندىعى بويىنشا - مال دارىگەرى، مەملەكەتتىك جانە جەرگىلىكتى باسقارۋ مەنەدجەرى. اۋىل شارۋاشىلىعى عىلىمىنىڭ كانديداتى.

ەڭبەك جولىن كۇرتى اۋدانىنداعى «قۇيعان» سوۆحوزىندا جۇمىسشى بولىپ باستادى. جوعارى وقۋ ورنىن بىتىرگەننەن كەيىن ءار جىلدارى «كسرو-نىڭ 60 جىلدىعى» اتىنداعى كەڭشاردا مال دارىگەرى، كۇرتى اۋدانىنىڭ باس مال دارىگەرى، جامبىل اۋدانى ۇزىناعاش ستانسياسى مال ۋچاسكەسىنىڭ مەڭگەرۋشىسى، تەمىرجول اۋىلدىق وكرۋگىنىڭ اكىمى، اقسەڭگىر تاجىريبەلىك شارۋاشىلىعىنىڭ ديرەكتورى، «قازىبەك بەك» ج ش س ديرەكتورى بولىپ جۇمىس ىستەدى. الماتى وبلىسىنىڭ مەملەكەتتىك باسقارۋ ورگاندارىندا باسشى لاۋازىمداردا قىزمەت اتقاردى. ق ر اۋىل شارۋاشىلىعى مينيسترلىگى قاراساي اۋداندىق اۋماقتىق باسقارماسىنىڭ باستىعى، ىلە اۋدانى اكىمىنىڭ ورىنباسارى، جامبىل جانە قاراساي اۋداندارىنىڭ اكىمى، قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك ينسپەكتورى، الماتى وبلىسى اكىمىنىڭ ورىنباسارى قىزمەتتەرىن اتقاردى.