گونكونگتاعى Jiaxin International Resources Investment كومپانياسى ءوزىنىڭ الماتى وبلىسىنداعى بۇعىتى كەن ورنىندا ۆولفرام وندىرەتىن قازاقستانداعى ەنشىلەسى - جەتىسۋ ۆولفرام ج ش س ارقىلى AIX-تە IPO-عا قاتىسۋعا وتىنىمدەر (بۋكبيلدينگ) قابىلدايتىنىن جاريالادى. بۇعان دەيىن AIX سايتىندا اكسيالار شىعارىلعالى جاتقانى حابارلانعان، دەپ جازادى Dalanews.kz.
سونىمەن قاتار كومپانيا ءوز اكسيالارىن ءبىر مەزەتتە گونكونگ قور بيرجاسىنا دا ورنالاستىرادى، دەپ جازادى Finmentor.kz.
ءوتىنىم بەرۋ كەزەڭى 2025 جىلعى 20-25 تامىز ارالىعىندا وتەدى. بۇل - 2024 جىلعى اقپاندا Air Astana اكسيالارى ورنالاستىرىلعاننان كەيىنگى قازاقستاندا ءوتىپ جاتقان العاشقى IPO.
Jiaxin ءوزىنىڭ كاپيتالداندىرۋىن 607.5 ميلليون دوللارعا باعالادى.
ال بۇگىن ۆولفرام ءوندىرۋشىسى Jiaxin اكسيالار شىعارىلىمىن تاعى ءبىر مارتە جاريالاپ، ونىڭ ينديكاتيۆتى باعاسىن اتادى: 9.93 يۋان (~745 تەڭگە نەمەسە ءبىر اكسيا ءۇشىن 1.38 دوللار).
IPO مامىلەسىنىڭ قۇرىلىمى:
- IPO-عا دەيىنگى اكسيالاردىڭ اعىمداعى سانى - 11 765 دانا؛
- IPO الدىندا ىدىراۋدان كەيىنگىسى — 329 420 مىڭ اكسيا؛
- IPO ءۇشىن قوسىمشا شىعارىلىم - 109 808.8 مىڭ اكسيا، ونىڭ ىشىندە:
- 10 981.2 مىڭ اكسيا — گونكونگ قور بيرجاسىندا،
- 98 827.6 مىڭ اكسيا — حالىقارالىق نارىقتاردا (اقش-تى قوسپاعاندا)، ونىڭ ىشىندە AIX-تەگى 1 317.6 مىڭ اكسيانى قوسا العاندا.
حالىقارالىق ۇسىنىس ءۇشىن سەگىز قىتايلىق ينۆەستبانكپەن اندەررايتينگتىك كەلىسىمدەر جاسالدى. SkyBridge Finance جانە ءسىسس AIX-تە جازبا جۇرگىزەدى.
ناتيجەسىندە اكسيالاردىڭ جالپى سانى - 439 228.8 مىڭ دانا، free float — 25% قۇرايدى. ءبىر اكسيا ءۇشىن 1.38 دوللار دەگەن باعا بەلگىلەندى. كومپانيانىڭ نارىقتىق كاپيتالداندىرۋى 607.5 ملن دوللارعا جەتتى. بۇل - Air Astana مەن قازترانسويلعا قاراعاندا كوپ، ءبىراق KEGOC-قا قاراعاندا از كولەم. بۇگىن Jiaxin IPO اياسىندا AIX-تە بۋكبيلدينگ باستالدى.
بۇعان دەيىن سايتىمىزدا "ساراپشى KASE-دەگى ديۆيدەنتتەرى بويىنشا كوشباسشى كومپانيالاردى اتادى" دەگەن ماقالا جاريالانعان بولاتىن.
