Gonkongtaǵy Jiaxin International Resources Investment kompaniiasy óziniń Almaty oblysyndaǵy Buǵyty ken ornynda volfram óndiretin Qazaqstandaǵy enshilesi - Jetisý volfram JShS arqyly AIX-te IPO-ǵa qatysýǵa ótinimder (býkbilding) qabyldaitynyn jariialady. Buǵan deiin AIX saitynda aktsiialar shyǵarylǵaly jatqany habarlanǵan, dep jazady Dalanews.kz.
Sonymen qatar kompaniia óz aktsiialaryn bir mezette Gonkong qor birjasyna da ornalastyrady, dep jazady Finmentor.kz.
Ótinim berý kezeńi 2025 jylǵy 20-25 tamyz aralyǵynda ótedi. Bul - 2024 jylǵy aqpanda Air Astana aktsiialary ornalastyrylǵannan keiingi Qazaqstanda ótip jatqan alǵashqy IPO.
Jiaxin óziniń kapitaldandyrýyn 607.5 million dollarǵa baǵalady.
Al búgin volfram óndirýshisi Jiaxin aktsiialar shyǵarylymyn taǵy bir márte jariialap, onyń indikativti baǵasyn atady: 9.93 iýan (~745 teńge nemese bir aktsiia úshin 1.38 dollar).
IPO mámilesiniń qurylymy:
- IPO-ǵa deiingi aktsiialardyń aǵymdaǵy sany - 11 765 dana;
- IPO aldynda ydyraýdan keiingisi — 329 420 myń aktsiia;
- IPO úshin qosymsha shyǵarylym - 109 808.8 myń aktsiia, onyń ishinde:
- 10 981.2 myń aktsiia — Gonkong qor birjasynda,
- 98 827.6 myń aktsiia — halyqaralyq naryqtarda (AQSh-ty qospaǵanda), onyń ishinde AIX-tegi 1 317.6 myń aktsiiany qosa alǵanda.
Halyqaralyq usynys úshin segiz qytailyq investbankpen anderraitingtik kelisimder jasaldy. SkyBridge Finance jáne SISS AIX-te jazba júrgizedi.
Nátijesinde aktsiialardyń jalpy sany - 439 228.8 myń dana, free float — 25% quraidy. Bir aktsiia úshin 1.38 dollar degen baǵa belgilendi. Kompaniianyń naryqtyq kapitaldandyrýy 607.5 mln dollarǵa jetti. Bul - Air Astana men QazTransOilǵa qaraǵanda kóp, biraq KEGOC-qa qaraǵanda az kólem. Búgin Jiaxin IPO aiasynda AIX-te býkbilding bastaldy.
Buǵan deiin saitymyzda "Sarapshy KASE-degi dividentteri boiynsha kóshbasshy kompaniialardy atady" degen maqala jariialanǵan bolatyn.
