مەجٸلٸس دەپۋتاتى سەرٸك ماقاشۇلى كٶتەرگەن قوسىلعان قۇن سالىعىن (ققس) قايتارۋ مەسەلەسٸنە بايلانىستى قارجى مينيسترٸ مەدي تەكيەۆ قازٸرگٸ جاعدايعا توقتالدى, دەپ حابارلايدى dalanews.kz.
مينيستردٸڭ ايتۋىنشا, سوڭعى جىلدارى ققس قايتارۋ كٶلەمٸ جىل سايىن ٶسٸپ كەلەدٸ. 2023 جىلدان بەرٸ قايتارىلماعان قالدىقتار كەلەسٸ جىلعا اۋىسىپ, جٷيەلٸ سيپات العان. 2024 جىلى كەسٸپكەرلەرگە 1 ترلن 354 ملرد تەڭگە قايتارىلسا, بيىلعى جوسپار 1 ترلن 800 ملرد تەڭگە بولعانىمەن, جىل سوڭىنا قاراي بۇل كٶرسەتكٸش 3 ترلن 400 ملرد تەڭگەگە دەيٸن جەتۋٸ مٷمكٸن.
2026 جىلدىڭ باسىنان بەرٸ 400 ملرد تەڭگەدەن استام ققس قايتارىلعان. سونىمەن قاتار, تەكسەرۋدەن ٶتٸپ, قايتارىلۋعا جاتاتىن شامامەن 1 ترلن تەڭگە كٶلەمٸندەگٸ قاراجات ەلٸ تٶلەنبەگەن. ونىڭ 60 پايىزدان استامى «سامۇرىق-قازىنا» توبىنا كٸرەتٸن كومپانييالارعا تيەسٸلٸ.
مەدي تەكيەۆتٸڭ سٶزٸنشە, جاڭا سالىق كودەكسٸندە ققس-تى ەكٸمشٸلەندٸرۋ مەن قايتارۋدىڭ جاڭا تەتٸكتەرٸ قاراستىرىلعان. سونىڭ نەتيجەسٸندە ققس قايتارۋشىلار سانى 2,3 مىڭنان استى, ونىڭ 600-دەن استامى – شاعىن جەنە ورتا بيزنەس سۋبەكتٸلەرٸ.
الايدا مينيستر مەسەلەنٸڭ تولىق شەشٸلگەنٸن ايتقان جوق. قارجى مينيسترلٸگٸنٸڭ مەلٸمەتٸنشە, ققس قايتارۋ كٶلەمٸنٸڭ جوعارى بولۋى جەنە جىل سايىنعى قالدىقتاردىڭ كەلەسٸ جىلعا اۋىسۋى ەزٸرگە ساقتالىپ وتىر, سوندىقتان جاڭا تەسٸلدەردٸڭ تيٸمدٸلٸگٸ ۋاقىت ٶتە باعالاناتىن بولادى.
