الماتى وبلىسى تالعار اۋدانىنداعى مەكتەپتەردىڭ بىرىندە ەسەپشى جالاقىعا ارنالعان بيۋدجەت قارجىسىن جىمقىرعان، - دەپ حابارلايدى Dalanews.kz.
وبلىستىق پروكۋراتۋرا مالىمەتىنشە، ەسەپشى مەكتەپتە جۇمىس ىستەمەيتىن قىزمەتكەرلەر مەن ولاردىڭ تۋىستارىنا اقشا اۋدارۋ ارقىلى جىمىسقى ارەكەتىن جۇزەگە اسىرىپ كەلگەن.
"الدىن الا كەلتىرىلگەن شىعىن 90 ملن. تەڭگەدەن اسادى جانە شىعىندى ەسەپتەۋ جالعاسىپ جاتىر. بۇل دەرەك بويىنشا وبلىس پروكۋراتۋراسى قىلمىستىق كودەكستىڭ 189-بابى 2-بولىگى 4-تارماعى بويىنشا قىلمىستىق ءىس قوزعاپ، الماتى وبلىسى بويىنشا ەكونوميكالىق تەرگەۋ باسقارماسىنا جولدادى"، - دەپ جازىلعان ۆەدومستۆو حابارلاماسىندا.
وسىعان ۇقساس دەرەك ەڭبەكشىقازاق اۋدانىندا دا انىقتالىپ، تەرگەۋ قورىتىندىسى بويىنشا مەكتەپ ەسەپشىسى تەرگەۋ ساتىسىندا 10 ملن. تەڭگەدەن اسا شىعىندى وتەگەن.
