الماتى وبلىسى ۇيعىر اۋدانى ۇلكەن اقسۋ اۋىلىنان ءسىبىر جاراسى انىقتالدى. اۋىل كارانتينگە جابىلدى، دەپ حابارلايدى Dalanews.kz Sputnik قازاقستانعا سىلتەپ.
ۇيعىر اۋدانىنىڭ جۇرتشىلىعى بۇل اقپاراتقا ۇركە قاراپ، ۇيلەرىنەن شىعۋعا قورقىپ وتىر. تۇرعىنداردىڭ ايتۋىنشا، ۇلكەن اقسۋ اۋىلىندا ىندەتپەن ادام دا، مال دا اۋىرعان، اۋىل كارانتينگە كەشە جابىلعان.
"2-3 ادامنىڭ ۇستىنە جارا قاپتاپ كەتكەن، تەكسەرۋ قورىتىندىسى ءسىبىر جاراسى دەپ شىعارىپتى. 20 ادامننىڭ ۇشەۋىنەن انىقتالدى دەپ جاتىر. ۆاتساپتاعى ءبىزدىڭ اۋىلدىڭ توبىنا ۇيدەن شىقپاڭىزدار دەگەن اقپارات كەلىپ جاتىر. وسىدان 25 جىلداي بۇرىن بۇل اۋرۋ ءبىزدىڭ اۋداندا بولعان، ءبىر ادام قايتىس بولعان ەدى. ونى اك سياقتى ۇنتاقپەن جەرلەنگەنى بار ەدى"، - دەيدى اۋدان تۇرعىندارى.
ۇلكەن اقسۋ اۋىلىنىڭ اكىمى ادىلجان قۇربانيازوۆ بۇل اقپاراتتى راستادى. اكىم سىرقاتتانىپ الماتىداعى اۋرۋحانادا جاتقاندىقتان بار ەستىگەن اقپاراتىمەن عانا ءبولىستى.
"1-2 ادامنان ءسىبىر جاراسى انىقتالعان. ىندەت وشاعى بولۋى مۇمكىن دەپ مال، ەت ونىمدەرىن تاسىمالداۋعا شەكتەۋ قويىلىپ، بارلىعى تەكسەرىلىپ جاتىر. ءسىبىر جاراسىن جۇقتىرعان جىگىت ءوزىنىڭ سيىرىن سويعان ەكەن، سودان جۇقتى دەگەن كۇدىك بار. اۋىلدان ادام شىقپاسىن دەگەن قاۋلى شىققان جوق. تەك مال ونىمدەرىنە شەكتەۋ قويىلادى. اۋىل تۇرعىندارى مالىن قوراعا قاماپ ۇستاپ وتىر"، - دەيدى اۋىل اكىمى.
