Almaty oblysy Uiǵyr aýdany Úlken Aqsý aýylynan Sibir jarasy anyqtaldy. Aýyl karantinge jabyldy, dep habarlaidy Dalanews.kz Sputnik Qazaqstanǵa siltep.
Uiǵyr aýdanynyń jurtshylyǵy bul aqparatqa úrke qarap, úilerinen shyǵýǵa qorqyp otyr. Turǵyndardyń aitýynsha, Úlken Aqsý aýylynda indetpen adam da, mal da aýyrǵan, aýyl karantinge keshe jabylǵan.
"2-3 adamnyń ústine jara qaptap ketken, tekserý qorytyndysy Sibir jarasy dep shyǵarypty. 20 adamnnyń úsheýinen anyqtaldy dep jatyr. Vatsaptaǵy bizdiń aýyldyń tobyna úiden shyqpańyzdar degen aqparat kelip jatyr. Osydan 25 jyldai buryn bul aýrý bizdiń aýdanda bolǵan, bir adam qaitys bolǵan edi. Ony ák siiaqty untaqpen jerlengeni bar edi", - deidi aýdan turǵyndary.
Úlken Aqsý aýylynyń ákimi Adyljan Qurbaniiazov bul aqparatty rastady. Ákim syrqattanyp Almatydaǵy aýrýhanada jatqandyqtan bar estigen aqparatymen ǵana bólisti.
"1-2 adamnan sibir jarasy anyqtalǵan. Indet oshaǵy bolýy múmkin dep mal, et ónimderin tasymaldaýǵa shekteý qoiylyp, barlyǵy tekserilip jatyr. Sibir jarasyn juqtyrǵan jigit óziniń siyryn soiǵan eken, sodan juqty degen kúdik bar. Aýyldan adam shyqpasyn degen qaýly shyqqan joq. Tek mal ónimderine shekteý qoiylady. Aýyl turǵyndary malyn qoraǵa qamap ustap otyr", - deidi aýyl ákimi.
