الماتى وبلىسىنىڭ تۇرعىندارى "تازا قازاقستان" رەسپۋبليكالىق ەكولوگيالىق اكسياسىنا قاتىسىپ، ءوڭىر اكىمىنىڭ بەلسەندى قولداۋىمەن جاعاجايلاردى، ساياباقتار مەن سكۆەرلەردى تازالاۋعا كىرىستى.
مەملەكەتتىك مەكەمەلەر مەن باسقا ۇيىمداردىڭ قىزمەتكەرلەرى دە وسى باستاماعا قوسىلىپ، وسى سالاداعى ەكولوگيالىق جاعدايدى جاقسارتۋعا ۇمتىلۋدا بىرلىك كورسەتتى.
قونايەۆ قالاسىنىڭ ساياباق ايماعىندا جاس كوشەتتەر وتىرعىزىلدى.
-"تازا قازاقستان" رەسپۋبليكالىق اكسياسىنا 300 مىڭنان استام ادام قاتىستى. اتاپ ايتقاندا، وبلىستىڭ 250 مىڭعا جۋىق تۇرعىنى بار،
جەرگىلىكتى اتقارۋشى جانە ورتالىق مەملەكەتتىك ورگانداردان 18 700 ادام، كاسىپورىندار مەن ۇيىمداردان 28 000 ادام. وبلىستىڭ ءاربىر تۇرعىنىن وسىنداي اۋقىمدى ەكولوگيالىق اكسياعا قاتىسۋعا جانە جالپى قالا مەن وبلىستىڭ تازالىعىنا ءوز ۇلەسىن قوسۋعا شاقىرامىن"، - دەپ اتاپ ءوتتى مارات سۇلتانعازييەۆ.
سەنبىلىك بارىسىندا وبلىس اكىمى 4 جانە 7 ساياجاي الاپتارىنىڭ تۇرعىندارىمەن كەزدەستى. گاز جانە سۋمەن جابدىقتاۋ، جولداردى جوندەۋ ماسەلەلەرىن كوتەرگەن تۇرعىنداردىڭ تىلەكتەرىن تىڭدادى.
ساياجاي تۇرعىندارى وبلىس اكىمىنە اتقارىلىپ جاتقان ءتيىمدى جۇمىسى، حالىققا اشىقتىعى مەن جاقىندىعى ءۇشىن العىستارىن ءبىلدىردى. كەزدەسۋ بارىسىندا جەر ۋچاسكەلەرىنە، كولىككە، مەكتەپتەر مەن بالاباقشالارعا قاتىستى ماسەلەلەر كوتەرىلدى. بارلىق سۇراقتاردى ءوڭىر باسشىسى تىڭداپ، تۇرعىندارعا ناقتى تۇسىنىكتەمەلەر بەردى.
