الماتى وبلىسىندا ٸلە الاتاۋى تاۋلارىنىڭ باسىنا شىعىپ الىپ, ودان ٶز بەتٸمەن تٷسە الماعان جاسٶسپٸرٸمدٸ تجم قىزمەتكەرلەرٸ قۇتقاردى, دەپ حابارلايدى Dalanews.kz.
قر تجم باسپاسٶز قىزمەتٸنٸڭ حابارلاۋىنشا, 22 قاراشادا كٷندٸز 112 پۋلتٸنە 2008 جىلعى جاس جٸگٸت كٶمەككە جٷگٸنٸپ, ٶزٸنٸڭ تەڭٸز دەڭگەيٸنەن 3100 مەتر بيٸكتٸكتە ورنالاسقان بۋكرەەۆ شىڭىنا شىعىپ, ودان ٶز بەتٸنشە تٷسە الماي تۇرعانىن ايتقان. تاۋلى جەردە ول جالعىز بولعان. بايلانىس كەزٸندە ونىڭ تەلەفونى ٷنەمٸ قوسۋلى بولىپ, بۇل قۇتقارۋشىلارعا كٶپ سەپتٸگٸن تيگٸزگەن.
"قۇتقارۋشىلار بالانىڭ تاۋعا كٶتەرٸلۋ باعىتىن انىقتاپ, اۋماقتى تەكسەرۋگە كٸرٸستٸ. جاسٶسپٸرٸمدٸ تاۋىپ العان تجم قىزمەتكەرلەرٸ ونى تاۋدان تٷسٸرٸپ, الماتىعا جەتكٸزدٸ. ونى تۋىستارى كٷتٸپ تۇرعان ەدٸ. وعان بارلىق قاجەتتٸ كٶمەك كٶرسەتٸلدٸ", دەلٸنگەن حابارلامادا.
ال جەرگە تٷسكەن ول ٶزٸنٸڭ قارنى اشقانىن, تونعانىن ايتقان.
