Almaty oblysynda Ile Alataýy taýlarynyń basyna shyǵyp alyp, odan óz betimen túse almaǵan jasóspirimdi TJM qyzmetkerleri qutqardy, dep habarlaidy Dalanews.kz.
QR TJM baspasóz qyzmetiniń habarlaýynsha, 22 qarashada kúndiz 112 pýltine 2008 jylǵy jas jigit kómekke júginip, óziniń teńiz deńgeiinen 3100 metr biiktikte ornalasqan Býkreev shyńyna shyǵyp, odan óz betinshe túse almai turǵanyn aitqan. Taýly jerde ol jalǵyz bolǵan. Bailanys kezinde onyń telefony únemi qosýly bolyp, bul qutqarýshylarǵa kóp septigin tigizgen.
"Qutqarýshylar balanyń taýǵa kóterilý baǵytyn anyqtap, aýmaqty tekserýge kiristi. Jasóspirimdi taýyp alǵan TJM qyzmetkerleri ony taýdan túsirip, Almatyǵa jetkizdi. Ony týystary kútip turǵan edi. Oǵan barlyq qajetti kómek kórsetildi", delingen habarlamada.
Al jerge túsken ol óziniń qarny ashqanyn, tonǵanyn aitqan.
