الماتى وبلىسىندا 15 جاستاعى جەتىم قىزعا قاتىستى اۋىر قىلمىس دەرەگى تىركەلدى، دەپ حابارلايدى Dalanews.kz ەۋرازيا ءبىرىنشى ارناسىنا سىلتەپ.
الدىن الا مالىمەت بويىنشا سەگىز كۇدىكتى ەكى اي بويى ءجاسوسپىرىمدى قورقىتىپ، زورلىق كورسەتكەن. تەلەارنا مالىمەتىنشە، ولاردىڭ ەكەۋى اۋىل مۇعالىمدەرىنىڭ بالالارى ەكەنى ايتىلىپ جاتىر.
جابىرلەنۋشى قىسىم مەن بوپسالاۋعا بايلانىستى بۇل تۋرالى جاقىندارىنا ايتا الماعان. كۇدىكتىلەر ءتۇرلى بەينەجازبالاردى جاريالايمىز دەپ قورقىتقان.
وقيعا تۋرالى قىزدىڭ وتباسىنا مەكتەپ ديرەكتورى حابارلاعان. كەيىن بىردەن پروكۋراتۋراعا ارىز تۇسىرىلگەن.
ءقازىر بۇل ءىس بويىنشا تەرگەۋ امالدارى جۇرگىزىلىپ جاتىر. كۇدىكتىلەر قايدا ەكەنى جانە ولاردىڭ جاۋاپكەرشىلىككە تارتىلۋى بويىنشا رەسمي ورگاندار ناقتى اقپارات بەرمەگەن.
