الماتى وبلىس اكىمى مارات سۇلتانعازييەۆ «كيەلى مەكەن» اكسياسىن باستادى، دەپ حابارلايدى Dalanews.kz.
وبلىستاعى اتالعان باعىت اياسىندا جامبىل اۋدانىنداعى «جامبىل جابايەۆ» مۇراجايى، «تاڭبالى» قورىق-مۋزەيى، تالعار اۋدانىنداعى «تالعار قالاشىعى» جانە «جاڭا» رەپرەسسيا قۇرباندارىن ەسكە الۋ مۇراجايى، ۇيعىر اۋدانىنداعى «شارىن» ۇلتتىق تابيعي پاركى اۋماعىندا، قاراساي اۋدانىنداعى قاراساي باتىر ەسكەرتكىشى، ىلە اۋدانىنداعى وتەگەن باتىر ەسكەرتكىشى اۋماعىندا ءىس-شارالار وتكىزىلدى.
جالپى ءىس-شاراعا 800-گە جۋىق ادام قاتىستى.
اتالعان اكسيا «تامعالى تاس» تاريحي-مادەني ەسكەرتكىشىنىڭ اۋماعىندا باستالدى. بۋددا مەن بۇرحانوۆتىڭ جارتاستاردا تابىلعان كەرەمەت ادەمى بەينەلەرى كوپتەگەن تۋريستەردى تارتۋدا. جارتاستاعى سۋرەتتەر 14-16 عاسىرلارعا جاتاتىن تيبەت جازۋلارىمەن بىرگە جازىلعان. تاڭبالى-تاس تراكتاتىنداعى سۋرەتتەر، اشىق اسپان استىنداعى بۋدديستەردىڭ عيباداتحاناسىن بەينەلەيدى.
«ەلىمىزدىڭ كوپتەگەن وڭىرلەرى ءۇشىن قيىن كەزەڭدە، ءبىز سۋ تاسقىنىنان زارداپ شەكپەگەن وڭىرلەردىڭ تۇرعىندارى جۇمىلىپ، ۇيلەرىمىزدى، اۋلالارىمىزدى، كوشەلەرىمىز بەن ەلدى مەكەندەرىمىزدى رەتكە كەلتىرۋىمىز كەرەك. ەلدى مەكەندەردىڭ كوشەلەرىن تازارتۋ، اعاش وتىرعىزۋ جانە اۋماقتاردى اباتتاندىرۋ اكسياسىن باستاعان مەملەكەت باسشىسى قاسىم-جومارت كەمەل ۇلى توقايەۆ وسىلاي دەدى.
اكسيانىڭ نەگىزگى باعىتى – «كيەلى مەكەن» جوباسى.
ونىڭ اياسىندا ءبىر اپتانىڭ كولەمىندە تاريحي-مادەني ەسكەرتكiشتەردi اباتتاندىرۋ جۇمىستارىن اتقارۋ كوزدەلگەن. بۇل اپتالىق الماتى وبلىسىنان باستاۋ الىپ وتىر. سەبەبى الاتاۋ ءوڭىرىنىڭ تاريحى باي ءارى تەرەڭ. وبلىس اۋماعىندا 1200-گە جۋىق تاريحي جانە مادەنيەت ەسكەرتكىشتەرى بولسا، ونىڭ 961ء-ى ارحەولوگيالىق ەسكەرتكىشتەر بولىپ تابىلادى.
تالعار (تالحيز)، قارامەرگەن قالاشىقتارى جانە «تاڭبالى» قورىق-مۋزەيى يۋنەسكو-نىڭ دۇنيەجۇزىلىك مادەني مۇرا تىزىمىنە ەنگەن. بۇگىن ءبىز بىرنەشە عاسىردىڭ بەلگىسى بار تاڭبالى تاس شاتقالىنا كەلىپ، اۋماعىن تازالاۋدى قولعا الىپ وتىرمىز.
وسى يگى ىسكە اتسالىسقان بارشا جاندارعا العىسىمدى بىلدىرەمىن»، – دەدى مارات سۇلتانعازييەۆ.
وڭىردەگى 70-تەن استام تاريحي-مادەني نىساندار ءبىر مەزگىلدە رەتكە كەلتىرىلدى. بۇل اكسياعا وبلىستىڭ بارلىق تۇرعىندارى بەلسەنە قاتىسۋدا.
ەستەرىڭىزگە سالا كەتەيىك، 8 ساۋىردە رەسپۋبليكا بويىنشا «تازا قازاقستان» اۋقىمدى ەكولوگيالىق اكسياسى باستالدى، ول 11 مامىرعا دەيىن جالعاسادى. اكسيا بەس اپتاعا سوزىلادى، ولاردىڭ ءارقايسىسى بەلگىلى ءبىر تاقىرىپقا ارنالادى.
