ەل پرەزيدەنتٸ قاسىم- جومارت توقاەۆ ٶزٸنٸڭ حالىققا جولداۋىندا جاھاندى جايلاعان ٸندەتپەن كٷرەسكە ەلٸ ەكٸ جىل كەرەك ەكەنٸن اتاپ ٶتكەن ەدٸ.
قارۋسىز مايدانعا ۇلاسقان بۇل كٷرەستە مەديتسينا سالاسىنىڭ قاۋقارى سىنالاتىنى انىق.
وسى تۇستا, الماتى وبلىسىنداعى بارلىق مەديتسينا ۇيىمدارى ساقاداي ساي ەكەنٸن ايتىپ ٶتكەن جٶن.
وعان, بٷگٸن ەسٸگٸ اشىلعان 200 ورىنعا لايىقتالعان مودۋلدٸ جۇقپالى اۋرۋلار اۋرۋحاناسى دەلەل.
جاۋاپتىلاردىڭ سٶزٸنە سەنسەك, جاڭا ەمدەۋ مەكەمەسٸ كەسەلدٸڭ ەكٸنشٸ تولقىنىن ەڭسەرۋگە قاۋقارلى.
عيماراتتىڭ جالپى اۋدانى - 6,8 مىڭ شارشى مەتردٸ الىپ جاتىر.
نىسان ەكٸمشٸلٸك بٶلٸگٸ بار مەديتسينالىق بلوكتان, قابىلداۋ-دياگنوستيكالىق بٶلٸمشەدەن, وپەراتسييالىق بلوگى بار رەانيماتسييادان تۇرادى. اۋرۋحانا قۇرامىندا وپەراتسييالىق جەنە پەرزەنتحانا زالدارى بار.
اۋرۋحانا ينفەكتسييالىق باقىلاۋدىڭ بارلىق ستاندارتتارىنا سەيكەس كەلەدٸ. جاڭا ەمحانا دا "اقىلدى اۋرۋحانا" جٷيەسٸ بار, ول ەربٸر پاتسيەنتتٸڭ دەنساۋلىق جاعدايىن مەديتسينالىق پەرسونالمەن تەۋلٸك بويى بەينەمونيتورلاۋدى قامتيدى. ەربٸر پالاتادا شۇعىل مەديتسينالىق كٶمەك كٶرسەتۋ ٷشٸن وتتەگٸنٸ قوسۋ نٷكتەلەرٸ قاراستىرىلعان. بولاشاقتا اۋرۋحانادا ەرتٷرلٸ جۇقپالى اۋرۋلارى بار ناۋقاستار ەمدەلەدٸ.
مەكەمە ٸشٸ قاجەتتٸ دياگنوستيكالىق جەنە زەرتحانالىق جابدىقتارمەن جابدىقتالعان, پەرسونالعا ارنالعان ٷي-جايلار, زەرتحانالار, كومپيۋتەرلٸك توموگرافقا, رەنتگەن اپپاراتىنا, ەندوسكوپييالىق جابدىققا, ۋدز جەنە ەلەكتروكارديوگرافقا ارنالعان جەكە كابينەتتەردە قاراستىرىلعان.
«اۋرۋحانا 55 كٷندە سالىنعان. كەلەسٸ جىلى تاعى دا جاڭا اۋرۋحانالار سالۋدى جوسپارلاپ وتىرمىز جەنە جاڭا كادرلاردى تارتاتىن بولامىز. وسىعان بايلانىستى ماماندار ٷشٸن 60 پەتەرلٸ مەديتسينالىق ٷي سالامىز. كەلگەن جاس ماماندارعا بارلىق جاعدايدى جاسايمىز. بٷگٸنگٸ تاڭدا كوتتەدج قالاشىعىندا تارتىلعان جاس مەديتسينا قىزمەتكەرلەرٸ ٷشٸن 47 كوتتەدج بٶلەمٸز. زاماناۋي جابدىقتار مەن مامانداندىرىلعان دەرٸگەرلەردٸڭ ارقاسىندا بٸز ادامداردى ەمدەيمٸز دەپ ويلايمىز», – دەدٸ الماتى وبلىسىنىڭ ەكٸمٸ اماندىق باتالوۆ.
جالپى العاندا وبلىستا COVID-19 دەرتٸنە قارسى تۇرۋ ٷشٸن قاجەتتٸ قۇرىلعىلار مەن دەرٸ- دەرمەك ساتىپ الىنۋدا.
ايتا كەتۋ كەرەك, وبلىس ەمحانالارىنداعى ورىننىڭ باسىم كٶپشٸلٸگٸ بوساعان. وعان سەبەپ, ناۋقاستار سانىنىڭ تٶمەندەۋٸ.
مەسەلەن, وبلىستا ستاتسيونارلار جٷكتەمەسٸنٸڭ ازايۋىنا بايلانىستى ينفەكتسييالىق تٶسەكتەر سانى 135-تەن 115-كە دەيٸن جەنە 2-شٸ دەڭگەيدەگٸ ورىن 603-تەن 571-گە دەيٸن قىسقارعان.
بٸراق, سوعان قاراماستان, وبلىستا كوروناۆيرۋستىق ينفەكتسيياعا كٷدٸكتٸ پاتسيەنتتەر ٷشٸن 84 رەانيماتسييالىق تٶسەك-ورىن دايىندالعان. سونداي-اق, ٶڭٸردەگٸ اۋرۋحانالار بارلىق قاجەتتٸ قۇرىلعىلارمەن جابدىقتالعان. قازٸرگٸ ۋاقىتتا ەمحانالاردا 304 ٶكپەنٸ جاساندى جەلدەتۋ اپپاراتى ورناتىلعان. ونىڭ 77-سٸ جەرگٸلٸكتٸ بيۋدجەت ەسەبٸنەن الىنعان. رەسپۋبليكالىق قازىنادان تاعى 119 قۇرىلعى جەتكٸزٸلەدٸ دەپ كٷتٸلۋدە.
سونىمەن قاتار, جەرگٸلٸكتٸ بيۋدجەت ەسەبٸنەن قوسىمشا 100 كەرەكتٸ قوندىرعىلاردى الۋ ماقساتىندا 1 ملرد. 250 ملن. تەڭگە بٶلٸنگەن.
ايتا كەتەيٸك, مەديتسينالىق ۇيىمداردا 973 وتتەگٸ كونتسەنتراتورى بار, ونىڭ 100 بٸرلٸگٸ جەرگٸلٸكتٸ بيۋدجەت قاراجاتى ەسەبٸنەن 83,4 ملن.تەڭگەگە ساتىپ الىندى.
جەرگٸلٸكتٸ بيۋدجەتتەن مەديتسينالىق ۇيىمداردىڭ جانىنان وتتەگٸ ستانتسييالارىن ورناتۋعا 818,2 ملن.تەڭگە جەنە 15 رەنتگەن اپپاراتىن ساتىپ الۋعا 375 ملن. تەڭگە بٶلٸنبەك.
وتتەگٸ ستانتسييالارى تالدىقورعان قالاسىنداعى وبلىستىق ەمدەۋ ورنىنا, تالعار, الاكٶل, ٸلە, پانفيلوۆ, جامبىل, سارقان, كەگەن اۋداندارىنىڭ ورتالىق ەمحاناعا, ەسٸك قالاسىنداعى ەڭبەكشٸقازاق ٶڭٸرارالىق كٶپبەيٸندٸ مەديتسينالىق مەكەمەسٸنە, قاراساي اۋدانىنىڭ شامالعان اۋىلىنداعى اۋىلدىق اۋرۋحانالارىنا ورنالاستىرىلادى.
ايماققا كەرەكتٸ دەرٸ-دەرمەكتٸ جەتكٸزۋ ٷشٸن رەسپۋبليكادان 551,3 ملن.تەڭگە قاراستىرىلعان. ونىڭ 20 ملن. تەڭگەسٸنە الداعى تاڭدا 39 اتاۋلى ۆيرۋسقا قارسى پرەپاراتتار الىپ كەلٸنبەك.
قازٸرگٸ كەزدە, وبلىستا دەرٸ تاپشىلىعى بايقالمايدى. جۇقپالى اۋرۋلار جەنە پروۆيزورلىق ەمدەۋ ورىندارىندا 215 150 دەنە قىزۋىن تٷسٸرەتٸن, 45 535 ۆيرۋسقا قارسى پرەپاراتتار, جەنە دە 255 157 انتيبيوتيكتەر بار.
ەستەرٸڭٸزگە سالامىز, ٶڭٸردە 8 پتر-زەرتحاناسى جۇمىس ٸستەيدٸ, وبلىستىڭ ۆەتەرينارييالىق قىزمەتٸنٸڭ پتر-زەرتحانالارىنىڭ ەلەۋەتٸن تارتۋ ەسەبٸنەن تەستٸلەۋ كٶلەمٸ تەۋلٸگٸنە 3 مىڭعا دەيٸن ۇلعايتىلاتىن بولادى دەيدٸ ماماندار.
انار سابىروۆا
