الماتى وبلىسىندا ءىرى ەسىرتكى كانالىنىڭ جولى كەسىلدى، دەپ حابارلايدى Dalanews.kz.
"الماتى وبلىسىندا "قاراسورا – 2025" ارنايى پروفيلاكتيكالىق ءىس-شاراسى بارىسىندا پوليسيا قىزمەتكەرلەرى مەن ۇقك قىزمەتكەرلەرى بىرلەسىپ ەسىرتكى زاتتارىنىڭ زاڭسىز اينالىمىن توقتاتتى"، – دەلىنگەن ىشكى ىستەر مينيسترلىگىنىڭ حابارلاماسىندا.
الماتى – بىشكەك اۆتوجولىنىڭ 58ء-شى كيلومەترىندە الماتى وبلىسى پوليسيا دەپارتامەنتىنىڭ ەسىرتكى قىلمىسىنا قارسى باسقارماسى قىزمەتكەرلەرى جامبىل اۋدانى پوليسيا باسقارماسى جانە پاترۋلدىك پوليسيا باتالونىنىڭ قولداۋىمەن Toyota Camry اۆتوكولىگىن توقتاتتى. كولىكتى تەكسەرۋ كەزىندە جۇكسالعىشتان ءۇش پوليمەرلى قاپ تابىلىپ، قارا پوليەتيلەن پاكەتتەرگە ورالعان ەكەن.
"ىشىندە ەرەكشە ءيىسى بار جاسىل ءتۇستى وسىمدىك تەكتى زات بولعان. ساراپشىلاردىڭ قورىتىندىسى بويىنشا، تاركىلەنگەن زات – كەپتىرىلگەن ماريحۋانا. جالپى سالماعى 58 كگ 560 گراممدى قۇرادى. وسى فاكت بويىنشا ەسىرتكى زاتتارىن زاڭسىز ساتىپ الۋ، ساقتاۋ جانە تاسىمالداۋ دەرەگى بويىنشا قىلمىستىق ءىس قوزعالدى. 55 جاستاعى كۇدىكتىنىڭ تۇرعىلىقتى مەكەن-جايى انىقتالدى، وعان قاماۋعا الۋ تۇرىندەگى بۇلتارتپاۋ شاراسى قولدانىلىپ، ۋاقىتشا ۇستاۋ يزولياتورىنا قامالدى"، – دەپ حابارلادى ناركوپوليسيا قىزمەتكەرلەرى.
قۇقىق قورعاۋ ورگاندارى ەسكە سالادى: ەسىرتكى زاتتارىن زاڭسىز ساقتاۋ، تاسىمالداۋ جانە تاراتۋ – قىلمىستىق جاۋاپكەرشىلىككە اكەپ سوقتىرادى.
"ەسىرتكى قىلمىسىنا قارسى كۇرەس پوليسيا جۇمىسىنىڭ باسىم باعىتتارىنىڭ ءبىرى بولىپ تابىلادى جانە مۇنداي قۇقىق بۇزۋشىلىقتار قاتاڭ تۇردە توقتاتىلاتىن بولادى"، – دەلىنگەن حابارلامادا.
