Almaty oblysynda iri esirtki kanalynyń joly kesildi, dep habarlaidy Dalanews.kz.
"Almaty oblysynda "Qarasora – 2025" arnaiy profilaktikalyq is-sharasy barysynda politsiia qyzmetkerleri men UQK qyzmetkerleri birlesip esirtki zattarynyń zańsyz ainalymyn toqtatty", – delingen Ishki ister ministrliginiń habarlamasynda.
Almaty – Bishkek avtojolynyń 58-shi kilometrinde Almaty oblysy politsiia departamentiniń esirtki qylmysyna qarsy basqarmasy qyzmetkerleri Jambyl aýdany politsiia basqarmasy jáne patrýldik politsiia batalonynyń qoldaýymen Toyota Camry avtokóligin toqtatty. Kólikti tekserý kezinde júksalǵyshtan úsh polimerli qap tabylyp, qara polietilen paketterge oralǵan eken.
"Ishinde erekshe iisi bar jasyl tústi ósimdik tekti zat bolǵan. Sarapshylardyń qorytyndysy boiynsha, tárkilengen zat – keptirilgen marihýana. Jalpy salmaǵy 58 kg 560 grammdy qurady. Osy fakt boiynsha esirtki zattaryn zańsyz satyp alý, saqtaý jáne tasymaldaý deregi boiynsha qylmystyq is qozǵaldy. 55 jastaǵy kúdiktiniń turǵylyqty meken-jaiy anyqtaldy, oǵan qamaýǵa alý túrindegi bultartpaý sharasy qoldanylyp, ýaqytsha ustaý izoliatoryna qamaldy", – dep habarlady narkopolitsiia qyzmetkerleri.
Quqyq qorǵaý organdary eske salady: esirtki zattaryn zańsyz saqtaý, tasymaldaý jáne taratý – qylmystyq jaýapkershilikke ákep soqtyrady.
"Esirtki qylmysyna qarsy kúres politsiia jumysynyń basym baǵyttarynyń biri bolyp tabylady jáne mundai quqyq buzýshylyqtar qatań túrde toqtatylatyn bolady", – delingen habarlamada.
