الماتى وبلىسى ىلە اۋدانى ءبىلىم ءبولىمىنىڭ باسشىسى 680 ميلليون تەڭگە جىمقىردى دەگەن كۇدىككە ءىلىندى، - دەپ حابارلايدى Dalanews.kz.
تەرگەۋدى الماتى وبلىسى بويىنشا سىبايلاس جەمقورلىققا قارسى قىزمەت جۇرگىزىپ جاتىر. ءبىلىم ءبولىمىنىڭ باسشىسى ىلە اۋدانىنىڭ ورتا مەكتەپتەرىندە ءىس جۇزىندە ەڭبەك قىزمەتىن جۇزەگە اسىرماعان ادامدارعا ادامدار توبىمەن الدىن الا ءسوز بايلاسۋ بويىنشا جالاقى اۋدارۋ ارقىلى 680 ملن تەڭگە سوماسىندا بيۋدجەت قاراجاتىن جىمقىرۋ بويىنشا كۇدىكتى.
سونىمەن قاتار، ول لاۋازىمدىق وكىلەتتىكتەرىن اسىرا پايدالانا وتىرىپ، ءوزىنىڭ جۇرگىزۋشىسىن مەكتەپ-گيمنازياعا كاسىبي باعدارشى لاۋازىمىنا جالعان جۇمىسقا ورنالاستىرىپ، وعان زاڭسىز جالپى سوماسى 4.9 ملن تەڭگە جالاقى تولەگەن.
سوتتىڭ سانكسياسىمەن كۇدىكتى قاماۋعا الىندى. تەرگەۋ ءالى دە ءجۇرىپ جاتىر.
