Almaty oblysy İle aýdany bilim bóliminiń basshysy 680 mıllıon teńge jymqyrdy degen kúdikke ilindi, - dep habarlaıdy Dalanews.kz.

Tergeýdi Almaty oblysy boıynsha Sybaılas jemqorlyqqa qarsy qyzmet júrgizip jatyr. Bilim bóliminiń basshysy İle aýdanynyń orta mektepterinde is júzinde eńbek qyzmetin júzege asyrmaǵan adamdarǵa adamdar tobymen aldyn ala sóz baılasý boıynsha jalaqy aýdarý arqyly 680 mln teńge somasynda búdjet qarajatyn jymqyrý boıynsha kúdikti.

Sonymen qatar, ol laýazymdyq ókilettikterin asyra paıdalana otyryp, óziniń júrgizýshisin mektep-gımnazıaǵa kásibı baǵdarshy laýazymyna jalǵan jumysqa ornalastyryp, oǵan zańsyz jalpy somasy 4.9 mln teńge jalaqy tólegen.

Sottyń sanksıasymen kúdikti qamaýǵa alyndy. Tergeý áli de júrip jatyr.