Almatyda taýda joǵalǵan Koreia azamaty áli tabylmady, dep habarlaidy dalanews.kz.
TJM málimetinshe, jetý qiyn ýchaskelerge, sonyń ishinde taý betkeileri, shatqaldar jáne basqa da aýmaqtarǵa erekshe nazar aýdarylyp otyr.
"Izdestirý-qutqarý jumystaryna TJM kúshteri men quraldary, eriktiler, politsiia jáne jergilikti atqarýshy organdardyń qyzmetkerleri tartyldy", - dep jazylǵan habarlamada.
Barlyǵy shamamen 90 adam, 10 tehnika, 3 kinologiialyq esep, 7 ushqyshsyz ushý apparaty, sondai-aq, TJM aviatsiiasy jumyldyrylǵan. Izdestirý-qutqarý operatsiiasy TJM-nyń turaqty baqylaýynda.
Aita keteiik, 1953 jyly týǵan azamat "Shymbulaq" aspaly joly arqyly taýǵa kóterilgen. Keiin marshrýtty ózdiginen jalǵastyryp, qalaǵa ózi qaitatynyn aitqan. Alaida 29 qyrkúiekten beri onyń qaida ekeni belgisiz.
