وسى «ديپلوممەن اۋىلعا» جوباسىنا قاتىسۋشىلار اۋىلدىق جەرلەردە ءتۇرلى سالالاردا ەڭبەك ەتىپ ءجۇر. وبلىستىق ەكونوميكا جانە بيۋدجەتتىك جوسپارلاۋ باسقارماسىنىڭ مالىمەتىنشە، ولاردىڭ 4328ء-ى - ءبىلىم سالاسىنىڭ، 1487ء-سى - دەنساۋلىق ساقتاۋ، 113ء-ى - مادەنيەت، 40-ى - سپورت، 49-ى - الەۋمەتتىك قامسىزداندىرۋ جانە 236-سى - اگروونەركاسىپتىك كەشەن سالاسى ماماندارى.
وسى جوبا اياسىندا تۇرعىن ءۇي ساتىپ الۋ نەسيەسى جالپى كولەمى 7،7 ملرد. تەڭگە كولەمىندە 2912 مامانعا بەرىلدى، سونىڭ 394ء-ى 2018 جىلى الدى.
2019 جىلى كوتەرمە جاردەماقىنى 176750 تەڭگە مولشەرىندە 742 مامان، بيۋدجەتتىك نەسيە 3787،5 مىڭ.تەڭگە مولشەرىندە 523 مامان الادى دەپ جوسپارلانىپ وتىر.
اتاپ وتسەك، 2009 جىلدان باستاپ رەسپۋبليكالىق بيۋدجەت قاراجاتى ەسەبىنەن «ديپلوممەن اۋىلعا» جوباسى جۇزەگە اسىرىلىپ كەلەدى. اۋىلدىق ەلدى مەكەندەرگە جۇمىس ىستەۋگە جانە تۇرۋعا كەلگەن دەنساۋلىق ساقتاۋ، ءبىلىم بەرۋ، الەۋمەتتىك قامسىزداندىرۋ، مادەنيەت، سپورت جانە اگروونەركاسىپتىك كەشەن سالاسىنداعى ءبىر مامانعا شاققانداعى كوتەرمە جاردەماقىنىڭ كولەمى 70 ايلىق ەسەپتىك كورسەتكىشتى (اەك) قۇرايدى. تۇرعىن ءۇي ساتىپ الۋعا پايىزسىز نەسيەلەر 2010 جىلدان بەرى 1500 اەك كولەمىندە بەرىلەدى. 2012 جىلدان باستاپ الەۋمەتتىك قولداۋدىڭ اتالعان شارالارىن ۆەتەريناريا سالاسىنىڭ ماماندارى دا الدى.
الماتى وبلىسى اكىمىنىڭ باسپا ءسوز قىزمەتى
