الماتى وبلىسى اگرارلىق ايماق بولا وتىرىپ، ءوزىنىڭ ونەركاسىپتىك الەۋەتىن دامىتۋعا دەن قويىپ كەلەدى. ماسەلەن، 2017 جىلدىڭ قورىتىندىسى بويىنشا ونەركاسىپ ءونىمىنىڭ كولەمى 750،5 ملرد. تەڭگەنى قۇرادى، ناقتى كولەم يندەكسى – 102،9 %، – دەپ حابارلايدى الماتى وبلىسى اكىمىنىڭ باسپا ءسوز قىزمەتى.

وبلىستىق ەكونوميكا جانە بيۋدجەتتىك جوسپارلاۋ باسقارماسىنىڭ مالىمەتىنە قاراعاندا، اتالعان مەرزىمدە ونەركاسىپ وندىرىسىندەگى وڭدەۋ سالاسىنىڭ ۇلەسى 84،7 %-عا جەتكەن، ال وڭدەۋ نەگىزىندە شىعارىلعان ءونىم 636 ملرد. تەڭگەنى قۇرادى.

2017 جىلى وبلىستا 65 جاڭا ونەركاسىپ ورنى اشىلىپ، جۇمىس ىستەپ تۇرعان 30 نىسان كەڭەيتىلدى، سونىڭ نەگىزىندە قوسىمشا 1 800 جاڭا جۇمىس ورنى اشىلدى.

سونىمەن قاتار وتكەن جىلى وبلىسقا 527،3 ملرد. تەڭگە ينۆەستيسيا تارتىلعانىن دا اتاپ ءوتۋ كەرەك.

 

الماتى وبلىسى اكىمىنىڭ باسپا ءسوز قىزمەتى