– بٷگٸنگٸ كٷنگە وبلىس بويىنشا كوروناۆيرۋسپەن اۋىرعاندار سانى 2749 جەتٸپ, ونىڭ ٸشٸندە 1290 ادام جازىلىپ شىقتى. سوڭعى تەۋلٸكتە 8 ادام كوروناۆيرۋستىق ينفەكتسييا بەلگٸلەرٸمەن ستاتسيونارعا جاتقىزىلدى, – دەدٸ الماتى وبلىسى ەكٸمٸنٸڭ ورىنباسارى باتىرجان بايجۇمانوۆ.
جالپى مەديتسينا قىزمەتكەرلەرٸنٸڭ باقىلاۋىندا 5581 ادام بار, ونىڭ ٸشٸندە ستاتسيونارلىق ەمدەۋدە – 2583, سيپمتومسىز ٷي باقىلاۋىندا 895 ادام, ٷي كارانتينٸندە – 2103 ادام جاتىر.
ينفەكتسييالىق بٶلٸمنٸڭ رەانيماتسييادا اۋىر جەنە ٶتە اۋىر جاعدايدا 41 پاتسيەنت بار. 15 ناۋقاس ٶكپەنٸ جاساندى جولمەن جەلدەتۋ اپپاراتىنا قوسىلعان. بٷگٸندە وبلىستا ستاتسيوناردا پنەۆمونييامەن 2517 پاتسيەنت ەم-دوم الۋدا. بۇل كٶرسەتكٸش ٶتكەن جىلمەن سالىستىرعاندا 2 جارىم ەسەگە جوعارى. ال, 86 ناۋقاس اۋىر حەلدە.
ٶتكەن جىلى پنەۆمونييادان 98 ادام قايتىس بولسا, بيىل ٶكٸنٸشكە وراي 190 ادام كٶز جۇمعان.
الماتى وبلىسىندا سوڭعى اپتادا پروۆيزور بٶلٸمٸنەن 618 ادام ەمدەلٸپ شىقتى. جالپى العاندا كٷندەلٸكتٸ 150-دەن استام ادام ەمدەلٸپ شىقسا, 200-گە جۋىق ناۋقاس ەمحاناعا تٷسەدٸ ەكەن. اۋرۋى اسقىنعان پاتسيەنتتەر سانىنىڭ ٶسۋٸنە بايلانىستى ينفەكتسييالىق ستاتسيوناردا سوڭعى ەكٸ اپتادا تٶسەك سانىن 3 ەسە ياعني, 17 ستاتسيونارلىق مەكەمەدە 150-دەن 500-گە دەيٸن ارتتىرىلدى. پنەۆمونييامەن اۋىراتىن ناۋقاستاردى ەمدەۋ ٷشٸن 31 ستاتسيوناردا تٶسەك سانى مىڭنان ٷش مىڭعا دەيٸن كٶبەيتٸلدٸ.
جالپى ستاتسيوناردا ەم الىپ جاتقان ادامداردىڭ باسىم كٶپشٸلٸگٸ 50 جاستان اسقان ەگدە ازاماتتار, ونىڭ ٸشٸندە 90 پايىزى قان قىسىمى, جٷرەك تامىر, قانت ديابەتٸ, وبىر اۋرۋلارىمەن اۋىرعاندار. وسىعان بايلانىستى ٷلكەن جاستاعى ادامداردى, سوزىلمالى اۋرۋلارى بار ناۋقاستاردى دەنساۋلىقتارىنا اسا جاۋاپتى بولۋعا, سانيتارلىق تالاپتاردى قاتاڭ ساقتاۋدى ماماندار تالاپ ەتۋدە دەپ تٷيٸندەدٸ باتىرجان قۇلايمەرگەنۇلى.
