بۇل كەزدەسۋ تاتارستان رەسپۋبليكاسى ۇكىمەتىمەن ەكونوميكالىق، ىسكەرلىك جانە مادەني بايلانىستار ورناتۋدى جالعاستىرۋ ماقساتىندا وتكىزىلدى. كەزدەسۋ بارىسىندا «قورعاس – شىعىس قاقپاسى» ەركىن ەكونوميكالىق ايماعىندا جۇزەگە اسىرىلىپ جاتقان جوبالارعا قاتىستى ىنتىماقتاستىق بايلانىستار تۋرالى ءسوز بولدى. سونىمەن قاتار تاجىريبە الماسۋ ءۇشىن قوس تاراپ بىر-بىرىنە شاقىرۋ ۇسىنىسىن ءبىلدىردى.
اتاپ وتسەك، ەكى جاقتى ىنتىماقتاستىقتىڭ دالەلى رەتىندە بۇعان دەيىن بيىلعى جىلدىڭ ناۋرىز ايىنىڭ سوڭىنداتاتارستان رەسپۋبليكاسى دەلەگاسياسىنىڭ وبلىسقا ساپارى بارىسىندا الماتى وبلىسىنىڭ پانفيلوۆ اۋدانى مەن تاتارستان رەسپۋبليكاسىنىڭ مەندەلەيەۆ مۋنيسيپالدى اۋدانىنىڭ اراسىندا ءوزارا ىنتىماقتاستىق تۋرالى مەموراندۋمعا قول قويىلعان بولاتىن.
الماتى وبلىسى اكىمىنىڭ باسپا ءسوز قىزمەتى
