پوليتسييا قىزمەتكەرلەرٸن كەسٸبي مەرەكەلەرٸمەن قۇتتىقتاعان وبلىس ەكٸمٸنٸڭ بٸرٸنشٸ ورىنباسارى لاززات تۇرلاشوۆ وبلىستا مەملەكەتتٸك قولداۋ نەتيجەسٸندە سالانىڭ ماتەريالدىق-تەحنيكالىق بازاسىن نىعايتۋعا باسا نازار اۋدارىلاتىنىن اتاپ ٶتتٸ. بۇل شارالار حالىقتىڭ ەل-اۋقاتىن ارتتىرۋ باعىتىنداعى جۇمىستىڭ نەتيجەلٸ بولۋىنا ٶز ىقپالىن تيگٸزٸپ كەلەدٸ.
– سٸزدەردٸ قازاقستان پوليتسيياسىنىڭ 25 جىلدىق مەرەيتويىمەن شىن جٷرەكتەن قۇتتىقتايمىن! وسى شيرەك عاسىرداعى قالىپتاسۋ كەزٸندە ەلٸمٸزدٸڭ ٸشكٸ ٸستەر ورگاندارى تٷرلٸ ساتىلاردان ٶتٸپ, دامۋدىڭ جاڭا كەزەڭٸنە كٶتەرٸلدٸ. پوليتسييا قىزمەتٸ قاۋٸپتٸ دە قيىن جۇمىس بولسا دا, بٷگٸندە سٸزدەر بۇل جاۋاپكەرشٸلٸكتٸ مەملەكەت پەن ازاماتتار الدىندا لايىقتى دەڭگەيدە اتقارىپ كەلەسٸزدەر. سٸزدەرگە وسى ەرەن ەڭبەكتەرٸڭٸز ٷشٸن ريزاشىلىعىمدى بٸلدٸرەمٸن. ەلٸمٸزدٸڭ ٶركەندەۋٸ جولىنداعى, ەل تىنىشتىعىن ساقتاۋداعى ٸستەرٸڭٸز ٸلگەرٸلەي بەرسٸن! – دەگەن ل.تۇرلاشوۆ بۇدان ەرٸ ٸشكٸ ٸستەر ورگاندارىنىڭ ٷزدٸك قىزمەتكەرلەرٸنە قۇرمەت گراموتالارى مەن العىس حاتتار تاپسىردى.
وسى شارا بارىسىندا قۇقىق قورعاۋ ورگاندارى قىزمەتكەرلەرٸنە 50 قىزمەتتٸك جاڭا اۆتوكٶلٸك بەرٸلدٸ.
مۇنان سوڭ الماتى وبلىستىق ٸٸد باستىعى, گەنەرال-مايور مۇرات ۇرۇمحانوۆ ەرٸپتەستەرٸن قۇتتىقتاپ, پوليتسييانىڭ جاس ينسپەكتورلارىنا, قىزمەتكەرلەرٸ مەن ارداگەرلەرٸنە ماراپاتتار تاپسىردى.
مەرەكە سالتاناتتى مارشپەن جەنە كونتسەرتتٸك باعدارلامامەن جالعاستى.
جالپى, الماتى وبلىسىنداعى ٸشكٸ ٸستەر ورگاندارىندا 5 مىڭنان استام پوليتسەيلەر ەڭبەك ەتەدٸ. «قاۋٸپسٸز اۋلا» جوباسىنىڭ شەڭبەرٸندە تالدىقورعان قالاسىندا قۇنى 4,5 ملرد. تەڭگە بولاتىن 800 كامەرا ورناتىلۋدا. وعان قوسا بيىلعى جىلى 62 ۋچاسكەلٸك پوليتسييا پۋنكتٸن سالۋ جوسپارلانىپ وتىر. بۇل پۋنكتتە پوليتسييا قىزمەتكەرٸنٸڭ تۇرعىن ٷيٸ دە بٸرگە قاراستىرىلاتىن بولادى. جوبانىڭ قۇنى 1 ملرد. تەڭگە.
