بيىل اۋىل شارۋاشىلىعى داقىلدارىنىڭ ەگىس القابى 461،6 مىڭ گەكتاردى قۇرادى، دەپ حابارلايدى Dalanews.kz. 

الداعى ۋاقىتتا: 177،6 مىڭ گەكتارعا ىلعال جابۋ، 33،8 مىڭ گەكتارعا كۇزدىك داقىلداردى تىرمالاۋ، 162،5 مىڭ گەكتارعا كوكتەمگى جەر جىرتۋ جۇمىستارى جۇرگىزىلەدى.

كوكتەمگى دالا جۇمىستارىن جۇرگىزۋگە، جالپى كولەمى 1 517 توننا ديزەل وتىنىنا، 148 اۋىل شارۋاشىلىعى ءتاۋاروندىرۋشىسىنىڭ ءوتىنىمى ماقۇلداندى.

كوكتەمگى دالا جۇمىستارىنا قاتىساتىن تەحنيكالاردىڭ دايىندىعى 94% قۇرايدى.

وبلىستا بارلىعى 13،4 مىڭ دانا اۋىل شارۋاشىلىعى تەحنيكاسى بار، ونىڭ ىشىندە 7،9 مىڭ داناسىنىڭ  توزىعى جەتكەن. اۋىل شارۋاشىلىعى تەحنيكاسىنىڭ پاركىن جاڭارتۋ ماقساتىندا، 2023 جىلى 47،7 ملرد. تەڭگەگە 444 بىرلىك تەحنيكا، بيىلعى جىلى 340 ملن. تەڭگەگە 35 دانا جاڭا تەحنيكا ساتىپ الىندى.

كوكتەمگى دالا جۇمىستارىن، قارجىلاي قولداۋ ماقساتىندا، دالا جۇمىستارىنا ارنالعان "اگرارلىق نەسيە كورپوراسياسى" ارقىلى "كەڭدالا" باعدارلاماسىنا، بۇگىنگى كۇنگە 865،2 ملن.تەڭگەگە 42 ءوتىنىم ءتۇستى، قازىرگى ۋاقىتتا جالپى سوماسى 399،7 ملن. تەڭگەگە 25 تاۋاروندىرۋشىگە نەسيە بەرىلدى.