نيازبەكوۆ ءومىرزاق ابىلسەيىت ۇلى 1966 جىلى تۋعان. الماتى مەملەكەتتىك مەديسينا ينستيتۋتىن دارىگەر ماماندىعى بويىنشا بىتىرگەن.
ەڭبەك جولىن الماتى وبلىسى، الاكول اۋدانى، ءۇشارال قالاسىنداعى الاكول ورتالىق اۋداندىق اۋرۋحاناسىنىڭ حيرۋرگيا بولىمىندە حيرۋرگ بولىپ باستادى.
وسى جىلدار ىشىندە ول حيرۋرگ، ءۇشارال قالاسىنىڭ ورتالىق قالالىق اۋرۋحاناسىنىڭ حيرۋرگيا ءبولىمىنىڭ مەڭگەرۋشىسى، "تۇركسىب" ءساناتورييى" ااق باس ديرەكتورى، № 7 قالالىق كلينيكالىق اۋرۋحاناسىنىڭ حيرۋرگى، قالاداعى "ەمدەۋ-دياگنوستيكالىق ورتالىعى" امبۋلاتورياسىندا جۇمىس ىستەدى. الماتى قالاسى، قاراساي اۋدانىنىڭ قاسكەلەڭ قالاسىنداعى "قاراساي اۋداندىق ورتالىق اۋرۋحاناسى" مكم ديرەكتورىنىڭ ۇيىمداستىرۋ-ادىستەمەلىك جۇمىسى جونىندەگى ورىنباسارى، ۇيىمداستىرۋ-ادىستەمەلىك ءبولىمىنىڭ باستىعى، الماتى قالاسىنداعى "الماتى وڭىرلىك ونكولوگيالىق ديسپانسەرىنىڭ" مەديسينالىق قىزمەت ساپاسىن باقىلاۋ جونىندەگى ديرەكتوردىڭ ورىنباسارى بولدى.
2018 جىلدىڭ شىلدەسىنەن باستاپ - الماتى وبلىسى دەنساۋلىق ساقتاۋ باسقارماسى باستىعىنىڭ ەمدەۋ-الدىن الۋ جۇمىستارى جونىندەگى ورىنباسارى. بۇعان دەيىن باۋىرجان ىسقاق الماتى وبلىسى دەنساۋلىق ساقتاۋ باسقارماسىنىڭ باستىعى قىزمەتىنەن كەتكەنى تۋرالى حابارلانعان بولاتىن.
